Chappell-Hadlee Cup : वनडेसह आता टी-२० मालिकेतही ‘चॅपेल- हॅडली’ करंडक

ऑकलंड : ऑस्ट्रेलिया - न्यूझीलंड या शेजारी देशांमधील क्रिकेट द्वंद्व सर्वश्रूत आहे. या दोन देशांमधील द्विपक्षीय एकदिवसीय मालिका ही २००४ पासून चॅपेल - हॅडली करंडकाखाली खेळवण्यात येत आहे.

मात्र आता एकदिवसीयसह टी-२० मालिकाही याच नावाने खेळवण्यात येणार आहे. याचा अर्थ यापुढे आता या दोन देशांमध्ये एकदिवसीय तसेच टी-२० या दोन्ही मालिका एकामागोमाग खेळवण्यात येतील.

तसेच दोन्ही मालिकांमधील लढतींमधील विजयाच्या निकषानुसार करंडकाचा जेता ठरवला जाईल. न्यूझीलंड - ऑस्ट्रेलिया यांच्यामध्ये २१ फेब्रुवारीपासून तीन सामन्यांच्या टी-२० मालिकेला सुरुवात होणार आहे.