Team India
Sakal
Where to Watch India vs West Indies, 2nd ODI: फलंदाजी भारताची नेहमीच ताकद राहिली आहे; मात्र स्थैर्य नसलेली वेगवान गोलंदाजीची रचना चिंतेचा विषय आहे. त्यावर मार्ग काढण्याची पुन्हा एकदा संधी वेस्ट इंडीजविरुद्ध आज होणाऱ्या दुसऱ्या एकदिवसीय सामन्यातून मिळणार आहे. या सामन्यातही वर्चस्व गाजवून मालिका जिंकण्याच्या दृष्टीने भारताचे पारडे जड आहे.
गुवाहाटीतील प्रेक्षकांसाठी विराट कोहली पुन्हा एकदा केंद्रबिंदू असणार आहे. तिरुअनंतपुरम येथे झालेल्या पहिल्या सामन्यात शानदार शतकी खेळी करून विराटने आपली हुकूमत सिद्ध केली होती. या सामन्यात कर्णधार शुभमन गिलनेही शतक केले होते. त्यामुळे भारताने २९६ धावांचे आव्हान ४२ षटकांच्या आतच पूर्ण करून एकतर्फी विजय मिळवला होता.
