Asia Cup U19: भारताने दिलेली जखम पाकिस्तानच्या जिव्हारी! उपांत्य फेरीत न खेळताच जाणार घरी; बांगलादेश फायनलला पोहोचणार

Pakistan will knocked out without playing semifinal Asia Cup U19: १९ वर्षांखालील मुलांसाठी आयोजित केलेल्या आशिया चषक स्पर्धेच्या उपांत्य फेरीच्या लढती आज होणार आहेत. पण, भारतीय वेळेनुसार सकाळी १०:३० वाजता सुरू होणारे सामने आता १ वाजले तरी सुरू झालेले नाहीत. स्पर्धेत अपराजित असलेला भारतीय संघ उपांत्य फेरीत ब गटातून आलेल्या श्रीलंकेचा सामना करणार आहे. पाकिस्तानसमोर ब गटातील अव्वल बांगलादेशचे आव्हान आहे. पण, पावसाने दोन्ही लढतीत खोडा घातला आहे आणि पाकिस्तानच्या ताफ्यात भीती पसरली आहे.