LSG vs DC | IPL 2026
Sakal
LSG vs DC Marathi News: आयपीएलमध्ये आज (१ एप्रिल) दिल्ली कॅपिटल्सविरुद्ध होणाऱ्या सामन्यातून लखनौ सुपर जायंट्स संघाची मोहीम सुरू होत आहे. या संघासह त्यांचा कर्णधार रिषभ पंत याचीही अग्निपरीक्षा सुरू होणार आहे. आयपीएलसह आंतरराष्ट्रीय क्रिकेटसाठीही त्याला सिद्ध करावे लागणार आहे.
रिषभ पंत आयपीएलमधील सर्वाधिक महागडा खेळाडू आहे, परंतु लखनौ संघ मालकांनी त्याच्यासाठी मोजलेल्या किमतीला तो खेळाडू तसेच कर्णधार म्हणूनही गतवर्षी न्याय देऊ शकला नव्हता. प्रमुख खेळाडूंना झालेल्या दुखापतींमुळे लखनौ संघाची वाटचाल बिकट झाली होती.
