

Jasprit Bumrah clean bowled Tom Latham | India vs New Zealand 1st Test
Sakal
New Zealand vs India 1st Test: भारत विरुद्ध न्यूझीलंड संघात कसोटी मालिकेला सुरुवात झाली असून पहिला सामना वेलिंग्टनला गुरुवारपासून (१९ नोव्हेंबर) खेळला जात आहे. या सामन्यात भारताने दणक्यात सुरुवात केली आहे. जसप्रीत बुमराह आणि अंशुल कंबोज यांनी सुरुवातीलाच विकेट घेण्यात यश मिळवले. ही मालिका कसोटी अजिंक्यपद २०२५-२७ (WTC 2025-27) स्पर्धेचा भाग असल्याने महत्त्वाची आहे.
या सामन्यात भारताचा कर्णधार शुभमन गिलने नाणेफेक जिंकून प्रथम गोलंदाजी करण्याचा निर्णय घेतला. या निर्णयाला जसप्रीत बुमराह आणि अंशुल कंबोजने (Jasprit Bumrah & Anshul Kamboj) सुरुवातीला न्याय दिला. या सामन्यातून जसप्रीत बुमराह पुनरागमन करत आहे. त्याला न्यूझीलंड दौऱ्यातील टी२० आणि वनडे मालिकेसाठी विश्रांती देण्यात आली होती.