Lakshmipathy Balaji Named India A Head Coach
Sakal
India A Head Coach Against Australia A: भारत आणि ऑस्ट्रेलिया या दोन संघात पुढच्या वर्षीच्या सुरूवातीलाच कसोटी मालिका होणार आहे. या मालिकेच्या पूर्वतयारीसाठी ऑस्ट्रेलिया त्यांचा अ संघ भारतीय दौऱ्यावर पाठवत आहेत.
ऑस्ट्रेलिया अ संघ भारत दौऱ्यावर कसोटी (चार दिवसीय सामने) आणि वनडे मालिका सप्टेंबर-ऑक्टोबरदरम्यान खेळणार आहे. या मालिकासांठी भारतीय अ संघाची घोषणाही झाली आहे. पण आता या भारतीय अ संघांचा मुख्य प्रशिक्षक कोण असणार आहे, याबाबत माहिती समोर आली आहे.
दोन वेळचा आयपीएल विजेता लक्ष्मीपती बालाजी (Lakshmipathy Balaji) या सामन्यांसाठी भारतीय अ संघाचे मुख्य प्रशिक्षकपद सांभाळणार आहे. बालाजीने यापूर्वी आयपीएलमध्ये प्रशिक्षकपद सांभाळले असले, तरी भारताच्या कोणत्याही संघासाठी मुख्य प्रशिक्षक म्हणून जबाबदारी सांभाळण्याची त्याची ही पहिलीच वेळ आहे. याबाबत पीटीआयने माहिती दिली आहे.
