Mohammad Shami Video: भारताचा ३४ वर्षीय वेगवान गोलंदाज मोहम्मद शमी भारतीय संघाकडून पुनरागमन करणार कधी हा प्रश्न जवळपास गेल्या वर्षभरापासून विचारला जात आहे. शमीने भारतासाठी अखेरचे क्रिकेट नोव्हेंबर २०२३ मध्ये खेळले आहे.
म्हणजे संपूर्ण २०२४ वर्ष शमी भारतीय संघातून बाहेर होता. पण आता १९ फेब्रुवारीपासून चॅम्पियन्स ट्रॉफी स्पर्धा सुरू होणार आहे. त्यामुळे त्या स्पर्धेत तरी शमी दिसणार का, असे प्रश्न उपस्थित होत आहेत. याचदरम्यान, शमीने नुकताच एक व्हिडिओ शेअर केला आहे. त्याच्या या व्हिडिओने भारतीय संघासह चाहत्यांनाही दिलासा दिला आहे.
