Mohammed Shami Injury Update : लंडनमधील उपचारानंतर.... बीसीसीआयने मोहम्मद शमीच्या दुखापतीवर दिली मोठी अपडेट

Mohammed Shami Injury Update : बीसीसीआयने नुकतेच इंग्लंडविरूद्धच्या पाचव्या कसोटी सामन्यासाठी भारतीय संघात काही बदल असल्याचे घोषित केले. केएल राहुल हा दुखापतीतून सावरलेला नाही त्यामुळे तो पाचव्या कसोटीला देखील मुकणार आहे. तर चौथ्या कसोटीत विश्रांती देण्यात आलेला जसप्रीत बुमराह संघात परतला आहे. त्यामुळे भारताची गोलंदाज मजबूत झाली आहे.

दरम्यान, बीसीसीआयने यावेळी भारताचा दुसरा वेगवान गोलंदाज मोहम्मद शमीच्या दुखापतीबाबत देखील अपडेट दिली. काही दिवसांपूर्वीच मोहम्मद शमीने सोशल मीडियावर पोस्ट लिहून त्याच्या टाचेवर शस्त्रक्रिया झाल्याचे सांगितले होते.

बीसीसीआयने 7 मार्चपासून सुरू होणाऱ्या धरमशाला कसोटीसाठी भारतीय संघ घोषित केला. यावेळी मोहम्मद शमीच्या फिटनेसबाबत देखील अधिकृतरित्या माहिती देण्यात आली.

बीसीसीआय म्हणते की, 'मोहम्मद शमीवर 26 फेब्रुवारी रोजी यशस्वीरित्या शस्त्रक्रिया करण्यात आली. तो उजव्या पायाच्या टाचेच्या दुखापतीने हैराण होता. तो सध्या चांगल्या प्रकारे रिकव्हर होत आहे. तो लवकरच बंगळुरू येथील राष्ट्रीय क्रिकेट अकादमीत दाखल होईल. तेथे तो रिहॅबिलिटेशन प्रक्रिया सुरू करेल.'

मोहम्मद शमीला ही दुखापत वनडे वर्ल्डकप 2023 दरम्यान झाली होती. त्यावेळी त्याला मैदानावर उभं राहण्यासाठी सातत्याने इंजेक्शन्स घ्यावी लागत होती.

(Sports Latest News)