T20 Mumbai League: ९ झेल सुटले तरीही सोबो मुंबई फाल्कन्सने कसं जिंकलं? मॅचमधला तो टर्निंग पॉईंट नक्की काय होता?

मुंबई : वानखेडे स्टेडियमवर पहिल्या नुवामा प्रायव्हेट टी२० मुंबई महिला लीगला मंगळवारी सुरुवात झाली आणि मुंबई क्रिकेटच्या इतिहासात एक नवीन अध्याय लिहिला गेला. भारताची स्टार खेळाडू सायली सातघरेने निर्णायक तीन बळी घेत सोबो मुंबई फाल्कन्स संघाचे नेतृत्व केले आणि स्पर्धेच्या उद्घाटन सामन्यात ठाणे स्काय रायझर्सवर १६ धावांनी दणदणीत विजय मिळवत आपल्या मोहिमेची सुरुवात केली.