Pakistan Cricket News : लाईव्ह चर्चेदरम्यान पाकिस्तानी क्रिकेट एक्सपर्टची पत्नीला मारहाण; VIDEO होतोय व्हायरल

Pakistan Cricket News : पाकिस्तान क्रिकेट अन् वाद यांच एक वेगळंच नातं आहे. यापूर्वी क्रिकेटपटू अन् संघटनेबाबत वाद किंवा अजब गोष्टी घडत होत्या. आता पाकिस्तानातील क्रिकेट एक्सपर्ट देखील वादाच्या भोवऱ्यात अडकले आहेत. मोहसीन अली नावाच्या एका पाकिस्तानी क्रिकेट एक्सपर्टने लाईव्ह चर्चा सुरू असतानाच आपल्या पत्नीला मारहाण केली. याचा व्हिडिओ सध्या सोशल मीडियावर व्हायरल होत आहे. यावरून प्रेक्षकांनी मोहसीन अलीला चांगलेच धारेवर धरले.

मोहसीन अलीचा वादग्रस्त व्हिडिओ व्हायर झाल्यानंतर प्रेक्षकांच्या कमेंट येऊ लागल्या. एका युजरने त्याला हा कौटुंबिक हिंसाचार असल्याचं म्हणत मोहसीन अलीवर टीका केली त्यावर उत्तर देताना मोहसीन म्हणाला की, 'लाईव्ह सुरू असताना तुम्हाला जर कोणी विचलित केलं तर अशी प्रतिक्रिया येऊ शकते. मला आश्चर्य वाटतंय की हा कसा काय कौटुंबिक हिंसाचार असू शकतो.'

माझ्या लग्नाला 31 वर्षे झाली आहेत. तुझं वय देखील तेवढं नसेल. मी पत्नीचा आदर करतो ती माझा आदर करते म्हणूनच आम्ही 31 वर्षे एकत्र आहोत. हा कौटुंबिक हिंसाचार नाही.' मोहसीन अली हा 'आप का मोहसीन अली' नावाचे यूट्यूब चालवतो. त्याचे 100k सबस्क्रायबर आहेत.

पाकिस्तान क्रिकेटमध्ये गेल्या काही दिवसांपासून खळबळ माजली आहे. पाकिस्तान क्रिकेट बोर्डाने संघाचे संचालक मोहम्मद हाफीजला पदावरून हटवलं आहे. त्यानंतर आता पाकिस्तान संघाचे कर्णधारपद पुन्हा बाबर आझमकडे येण्याची दाट शक्यता आहे.

(Sports Latest News)