PAK vs WI: पाकिस्तान विरुद्ध वेस्ट इंडिज संघात शुक्रवारपासून (१७ जानेवारीपासून) कसोटी मालिकेला सुरूवात झाली आहे. मुलतानला सुरु असलेल्या पहिल्या सामन्याला पहिल्याच डावात नाट्यपूर्ण वळण मिळालं आहे. या सामन्यात गोलंदाजांचं वर्चस्व राहिल्याचं दिसून येत आहे. दुसऱ्या दिवशी तब्बल १९ विकेट्स गेल्या.
या सामन्यात पहिल्या दिवशी पाकिस्तानने नाणेफेक जिंकून प्रथम फलंदाजी करण्याचा निर्णय घेतला होता. पहिल्या दिवशी सुरुवातीलाच खराब हवामानाचा फटका बसल्याने बराच वेळ वाया गेला. पण पहिल्या दिवस अखेरपर्यंत पाकिस्तानने ४ बाद १४३ धावा केल्या होत्या. त्यावर पाकिस्तानने दुसऱ्या दिवशी केवळ ८७ धावा जोडल्या आणि तब्बल ६ विकेट्स गमावल्या.
