Asia Cup 2025: पाकिस्तान - युएई सामना होणार? आता PCB ने केली मोठी विनंती; खेळाडू स्टेडियमकडे रवाना

आशिया कप २०२५ मध्ये पाकिस्तान विरुद्ध युएई सामन्यावर प्रश्नचिन्ह निर्माण झाले होते. परंतु आता पाकिस्तानचे खेळाडू स्टेडियमकडे रवाना झाले आहेत. पाकिस्तान क्रिकेट बोर्डाने सामना एक तास उशिराने सुरू करण्याची विनंती केली आहे. .आशिया कप २०२५ स्पर्धेत बुधवारी होणारा पाकिस्तान विरुद्ध युएई सामन्यावर प्रश्नचिन्ह निर्माण झाले आहे. दुबईत होणाऱ्या या सामन्याला दोन तासच बाकी असताना पाकिस्तानच्या खेळाडूंना त्यांच्या बोर्डाने हॉटेलमध्येच थांबण्यास सांगितले होते. त्यामुळे पाकिस्तान या स्पर्धेवर बहिष्कार टाकण्याच्या तयारीत असल्याची चर्चा होती. मात्र आता पाकिस्तानचे खेळाडू स्टेडियमकडे रवाना झाले आहेत. पाकिस्तान क्रिकेट बोर्डाने हा सामना एक तास उशिराने सुरू करण्याची विनंती केली असल्याचे समजत आहे. .Asia Cup 2025: पाकिस्तानचं हे अती झालं! म्हणतात 'हस्तांदोलन' प्रकरणावर कारवाई करा अन्यथा UAE च्या लढतीवर बहिष्कार टाकतो... .रविवारी भारतीय संघाने पाकिस्तान संघाशी हस्तांदोलन केले नाही, त्यावरून वाद झाला आहे. पाकिस्तान क्रिकेट बोर्डाने या सामन्यातील सामनाधिकारी अँडी पायक्रॉफ्ट यांची यात भूमिका असल्याचे म्हटले. त्यांनी खिलाडूवृत्तीच्या नियमांचे उल्लंघन केल्याचे म्हटले होते. त्यामुळे पायक्रॉफ्ट यांना आशिया कपमधून बाहेर करावे अशी मागणी पाकिस्तानने आयसीसीकडे केली होती. तसे झाले नाही, तर बहिष्काराची धमकीही दिल्याचे समजत आहे. मात्र आयसीसीने त्यांची ही मागणी नाकारली आहे. बुधवारी होणाऱ्या सामन्यातही पायक्रॉफ्टच सामनाधिकारी आहेत. त्यामुळे पाकिस्तान सामना खेळण्याबाबत विचार करत आहेत..पाकिस्तानचे रमीज राजा आणि नजम सेठी हे लाहोरमधील पाकिस्तान क्रिकेट बोर्डाच्या ऑफिसमध्ये पोहचले असून त्यांनी पाकिस्तान क्रिकेट बोर्डाचे आणि आशियाई क्रिकेट परिषदेचे अध्यक्ष मोहसिन नाकवी यांच्याशी चर्चा केली आहे. .या चर्चांनंतर आता अशी माहिती समोर आली आहे की पाकिस्तान क्रिकेट बोर्डाने आशिया कपच्या आयोजकांना युएईविरुद्धचा सामना एक तास उशिराने सुरू करण्याची विनंती केली आहे. पाकिस्तानचे खेळाडू हॉटेलमधून निघाले आहेत. त्यामुळे आता जर हा सामना होणार असेल, तर तो ९ वाजेपर्यंत सुरू होऊ शकतो..IND vs PAK : टीम इंडियाचं वाकडं करू शकत नाही, म्हणून पाकिस्तानची ICC कडे तक्रार; तिथे कोण बसलाय हे ते बहुधा विसरलेत....हा सामना सुपर फोरमध्ये जाण्यासाठी दोन्ही संघांसाठी महत्त्वाचा आहे. युएई आणि पाकिस्तान यांच्यातील विजेता संघ अ गटातून भारतासह सुपर फोरमध्ये दाखल होणार आहे. भारताने आधीच अ गटातून सुपर फोरमधील प्रवेश निश्चित केला आहे. आता पाकिस्तान - युएई सामन्यातील विजेता संघ रविवारी भारताविरुद्ध सामना खेळणार आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Asia Cup 2025: पाकिस्तान - युएई सामना होणार? आता PCB ने केली मोठी विनंती; खेळाडू स्टेडियमकडे रवाना

Related Stories