India Head Coach : टीम इंडियाच्या मुख्य कोच निवडीबाबत मोठी अपडेट; राहुल द्रविडनंतर 'या' दिग्गज खेळाडूने अर्ज भरण्यास दिला नकार

Team India Head Coach : बीसीसीआयने भारतीय पुरूष क्रिकेट संघाच्या प्रमुख प्रशिक्षकाचा शोध युद्धपातळीवर सुरू केला आहे. बीसीसीआयने यासाठी नुकतेच अर्ज मागवण्याचा प्रक्रिया सुरू केली आहे. जूनमध्ये टी 20 वर्ल्डकप संपल्यावर भारताचा सध्याचा मुख्य प्रशिक्षक राहुल द्रविडचा कार्यकाळ संपणार आहे. त्यामुळे जय शहा यांनी प्रशिक्षकाचा शोध सुरू केला आहे. राहुल द्रविड पुन्हा अर्ज करू शकतो. मात्र माध्यमांना मिळालेल्या माहितीनुसार राहुल द्रविड यासाठी उत्सुक नाही.

राहुल द्रविडनंतर एनसीए प्रमुख व्हीव्हीएस लक्ष्मणचे नाव यासाठी जोरदार चर्चेत होतं. द्रविडच्या अनुपस्थितीत तो भारतीय संघाचे प्रशिक्षक पद भूषवत होता. मात्र तोही अर्ज करण्यासाठी उत्सुक नसल्याची माहिती समोर येत आहे.

वरिष्ठ खेळाडूंच्या विनंतीनंतरही द्रविडचा नकार

मिळालेल्या माहितीनुसार संघातील काही वरिष्ठ खेळाडू हे राहुल द्रविड WTC चॅम्पियनशिपच्या फायनलपर्यंत म्हणजे एक वर्ष द्रविडने प्रशिक्षक पद सांभाळावं अशी विनंती केली होती. मात्र द्रविडने यासाठी नकार दिला आहे. द्रविडने कसोटीचे प्रशिक्षकपद सांभाळावं अशी या खेळाडूंची मागणी होती. मात्र जर द्रविड हा पर्याय निवडतो तर बीसीसीआयला दोन प्रशिक्षक नियुक्त करावे लागणार होते.

लक्ष्मणही अर्ज करणार नाही

द्रविडचा उत्तराधिकारी म्हणून व्हीव्हीएस लक्ष्मणचे नाव आघाडीवर होते. मात्र स्टार स्पोर्ट्सने दिलेल्या माहितीनुसार लक्ष्मण या पदासाठी अर्ज करणार नाहीये. बीसीसीआय सध्या विदेशी प्रशिक्षकाचा देखील विचार करत आहे. काही आयपीएल फ्रेंचायजींच्या मुख्य प्रशिक्षकांनी यासाठी अर्ज देखील केला आहे.

(Cricket Marathi News)