Duleep Trophy Final: रजत पाटीदारचे खणखणीत शतक! भारताच्या कसोटी संघासाठी ठोकला दावा; श्रेयसच्या मार्गात ठरणार अडथळा

Rajat Patidar century in Duleep Trophy Final 2025 against South Zone : दुलीप ट्रॉफी फायनलमध्ये दक्षिण विभागाचा डाव १४९ धावांवर गुंडाळल्यानंतर मध्य विभागाने सामन्यावरील पकड मजबूत केली आहे. कर्णधार रजत पाटीदारने ११२ चेंडूंत १२ चौकार व २ षटकारासह शतक झळकावले. मध्य विभागाचा कर्णधार असलेल्या रजतने दुलीप ट्रॉफीत सातत्याने धावा केल्या आहेत. त्याने मागील तीन डावांत ७७, १२५ व ६६ अशी खेळी केली आहे. भारतीय संघ पुढील महिन्यात घरच्या मैदानावर वेस्ट इंडिजविरुद्ध दोन कसोटी सामने खेळणार आहे. त्यासाठीचा संघ लवकरच जाहीर केला जाईल आणि निवड समितीच्या सदस्यांनी दुलीप ट्रॉफीवरही लक्ष ठेवले आहे. त्यामुळे रजतची ही खेळी महत्त्वाची ठऱतेय.