RR vs CSK: सिक्स मारल्यानंतरही शिवम दुबेला कसं केलं आऊट? रवींद्र जडेजा म्हणाला, 'त्याला नेट्समध्ये गोलंदाजी केलीये, माहित होतं तो...'

RR vs CSK Marathi News: इंडियन प्रीमियर लीग २०२६ स्पर्धेत चेन्नई सुपर किंग्सची सुरुवात पराभवाने झाली आहे. सोमवारी (३० मार्च) गुवाहाटीत झालेल्या सामन्यात राजस्थान रॉयल्सने ८ विकेट्सने चेन्नईला पराभूत केले.

राजस्थानच्या या विजयात वैभव सूर्यवंशीने (Vaibhav Suryavanshi) स्फोटक अर्धशतक करत मोलाचा वाटा उचलला. पण त्याआधी राजस्थानसाठी (Rajasthan Royals) गोलंदाजांनी महत्त्वाची कामगिरी बजावली.

राजस्थानच्या सर्व ६ गोलंदाजांनी विकेट्स घेत चेन्नईला १२७ धावांवरच रोखलं होतं. चेन्नईतून १७ वर्षांनंतर राजस्थानसाठी घरवापसी करणाऱ्या रवींद्र जडेजाचाही (Ravindra Jadeja) विजयात महत्त्वाचे योगदान राहिले. त्याने सर्फराज खान आणि शिवम दुबे या दोघांच्या विकेट्स घेतल्या. त्याने १८ धावांत २ विकेट्स घेतल्या.