RCB vs DC Live: विराट कोहली अपयशी ठरला, वैभव सूर्यवंशीचा 'पॉवर'फुल विक्रम थोडक्यात वाचला! १५ वर्षीय फलंदाज वरचढ ठरला

Royal Challengers Bengaluru vs Delhi Capitals Marathi Update: रॉयल चॅलेंजर्स बंगळुरू आणि दिल्ली कॅपिटल्स यांच्यातला सामना इंडियन प्रीमिअर लीग २०२६ गुणतालिकेसाठी महत्त्वाचा आहे. RCB सलग दोन सामने जिंकून, तर DC सलग दोन सामने गमावून आज एम चिन्नास्वामी स्टेडियमवर उतरले आहेत. दिल्लीचा कर्णधार अक्षर पटेलने नाणेफेक जिंकून प्रथम गोलंदाजीचा निर्णय घेतला आणि दोन्ही संघाने त्यांच्या प्लेइंग इलेव्हनमध्ये कोणताच बदल केलेला नाही. चिन्नास्वामी स्टेडियमवरील RCB चा हा १०० वा सामना आहे आणि आयपीएलमध्ये एकाच मैदानावर शतकी सामना खेळणारा हा पहिलाच संघ ठरला. यानंतर कोलकाता नाइट रायडर्सने इडन गार्डनवर ९८ सामने खेळण्याचा विक्रम आहे.