IPL 2026 Final, RCB vs GT live: शुभमन गिलची विकेट अन् वाचला विराट कोहली-एबी डिव्हिलियर्सचा ऑल टाईम रेकॉर्ड...

Royal Challengers Bengaluru vs Gujarat Titans IPL 2026 Final Marathi News: इंडियन प्रीमिअर लीग २०२६ चा विजेता आज नरेंद्र मोदी स्टेडियमवर ठरणार आहे. दोन महिन्यांपूर्वी सुरू झालेल्या १९व्या पर्वाचा शेवट आज होणार... स्पर्धेत दणक्यात सुरुवात करणारा पंजाब किंग्स प्ले ऑफमध्येही पोहोचू शकला नाही, तेच कासवगतीने सातत्य राखून गुजरात टायटन्सने थेट अंतिम फेरीपर्यंत धडक मारली. आता त्यांना गतविजेत्या रॉयल चॅलेंजर्स बंगळुरूचा सामना करायचा आहे. RCB ने मागच्या वर्षी जेतेपद पटकावून आयपीएल ट्रॉफीचा दुष्काळ संपवला होता आणि आता ते दुसऱ्यांदा हा चषक उंचावण्यासाठी सज्ज झाले आहेत. RCB चा कर्णधार रजत पाटीदार याने नाणेफेक जिंकून प्रथम गोलंदाजीचा निर्णय घेतला.