RR vs GT Live : शुभमन गिलचे शतक थोड्यात हुकले, पण साई सुदर्शनसह राजस्थानला चांगलेच झोडले! गुजरात टायटन्सचा धावांचा डोंगर

Rajasthan Royals vs Gujarat Titans Marathi Updates: गुजरात टायटन्सने इंडियन प्रीमिअर लीग २०२६ मधील शनिवारच्या सामन्यात राजस्थान रॉयल्सवर पहिल्या डावात वर्चस्व गाजवले. शुभमन गिल ( Shubman Gill) व साई सुदर्शन यांनी संघाला ११८ धावांची सलामी दिल्यानंतर RR च्या गोलंदाजांना पुनरागमन करणे अशक्यच झाले होते. संघाचा प्रमुख गोलंदाज जोफ्रा आर्चरच आज अपयशी ठरला आणि त्यामुळे अन्य सहकाऱ्यांचे मानसिक खच्चीकरण झालेले दिसले. शुभमनने ४४ चेंडूंत ९ चौकार व ३ षटकारांसह ८४ धावांची खेळी केली. साई ३६ चेंडूंत ६ चौकार व २ षटकारांसह ५५ धावांवर झेलबाद झाला.