IPL 2026: 'आम्ही अजून पण पॉइंट्स टेबलमध्ये नंबर एकच, हेच जास्त...' श्रेयस अय्यर पंजाबच्या सलग दोन पराभवांनंतर नेमकं काय म्हणाला?

IPL 2026 Punjab Kings Marathi news: इंडियन प्रीमियर लीग २०२६ स्पर्धेत पहिल्या टप्प्यात अपराजित राहून वर्चस्व दाखवणाऱ्या पंजाब किंग्सची गाडी मात्र विजयी मार्गावरून गेल्या दोन सामन्यात घसरली आहे. पहिल्या ७ सामन्यात ६ विजय पंजाबने मिळवले होते.

तसेच एक सामना अनिर्णित राहिला होता. त्यामुळे त्यांनी अव्वल क्रमांकावर दावा ठोकला होता. पण नंतर राजस्थान रॉयल्स आणि रविवारी (३ मे) गुजरात टायटन्सकडून त्यांना पराभवाचा सामना करावा लागला. मात्र असे असले तरी संघाचा विश्वास डळमळीत झालेला नसल्याचे पंजाबचा (Punjab Kings) कर्णधार श्रेयस अय्यरने (Shreyas Iyer) म्हटले आहे.