SRH vs RR Live: इशान किशन बरसला, हेनरिच क्लासनही जबरदस्त खेळला; पण, राजस्थानच्या गोलंदाजांचे पुनरागमन, नितीश रेड्डी भिडला

Sunrisers Hyderabad vs Rajasthan Royals Marathi Update: इशान किशनने आज हैदराबादचे स्टेडियम दणाणून सोडले. त्याने ४४ चेंडूंत ८ चौकार व ६ षटकारांसह ९१ धावांची खेळी करून राजस्थान रॉयल्सच्या गोलंदाजांना चांगला चोप दिला. त्याच्या सोबतीला हेनरिच क्लासन उभा राहिला आणि त्यांच्या ८८ धावांच्या भागीदारीने सनरायझर्स हैदराबादला पुन्हा एकदा दोनशे धावांच्याजवळ पोहोचवले. इशान व क्लासन यांच्यात ऑरेंज कॅपची शर्यत रंगलेली पाहायला मिळाली आणि तुर्तास तरी क्लासनने अव्वल स्थान पटकावले आहे. वैभव सूर्यवंशी फार मागे नाही. राजस्थानच्या गोलंदाजांनी शेवटच्या षटकात चांगला मारा करताना पुनरागमन केले.