T20 World Cup: अमेरिकेविरुद्ध संकटमोचक ठरलेल्या कर्णधार सूर्यकुमारचा मोठा विक्रम; विराट कोहली, बाबर आझमला टाकलं मागे

Suryakumar Yadav Fifty Record: टी२० वर्ल्ड कप २०२६ चा पहिलाच सामना भारताचा कर्णधार सूर्यकुमार यादवने गाजवला. शनिवारी (७ फेब्रुवारी) भारताचा पहिला सामना अमेरिकेविरुद्ध मुंबईच्या वानखेडे स्टेडियमवर झाला. हे स्टेडियम सूर्यकुमारचे (Suryakumar Yadav) घरचे मैदान असून त्याने घरच्या प्रेक्षकांसमोर दरमदार खेळही केला आणि मोठा विक्रमही केला आहे.

या सामन्यात अमेरिकेने नाणेफेक जिंकून भारताला प्रथम फलंदाजीसाठी बोलावले होते. पण दुसऱ्या षटकात सलामीवीर अभिषेक शर्मा शून्यावर बाद झाला. त्यानंतर ६ व्या षटकात भारताने इशान किशन (२०), तिलक वर्मा (२५) आणि शिवम दुबे (०) यांच्या विकेट्स गमावल्या.