IND A vs AFG A: आधी बॉल हातातून सुटला, पण वैभव सूर्यवंशीने मागे वळून हवेत झेपावत घेतला अफलातून झेल, पाहा Video

India A vs Afghanistan A ODI: तिरंगी वनडे मालिकेत भारतीय अ संघाने बुधवारी अफगाणिस्तान अ संघाविरुद्ध झालेल्या सामन्यात १०१ धावांनी दणदणीत विजय मिळवला. डंबुला येथे झालेल्या या सामन्यातील विजयामुळे भारतीय संघाने अंतिम सामन्यातील स्थानही जवळपास पक्के केले आहे.

या सामन्यात १५ वर्षांचा वैभव सूर्यवंशीही (Vaibhav Sooryavanshi) भारतीय संघाचा भाग होता. त्याने फलंदाजीत मोठी खेळी केली नाही, पण क्षेत्ररक्षण करताना त्याने एक अफलातून झेल घेत सर्वांचे लक्ष वेधले.