IPL 2026: वैभव सूर्यवंशीला Orange Cap च्या शर्यतीत ३ खेळाडू देणार टक्कर... विराट कोहली या शर्यतीतही शेवटून पहिला, किती धावांचे अंतर?

How many runs Virat Kohli behind Vaibhav Sooryavanshi? इंडियन प्रीमिअर लीग २०२६ ची ट्रॉफी कोणत्या संघाच्या हाती जाईल, याचा फैसला दोन सामन्यानंतर होणार आहे. शुक्रवारी मुल्लानपूर येथे गुजरात टायटन्स आणि राजस्थान रॉयल्स यांच्यात क्वालिफायर २ चा सामना होणार आहे. या सामन्यातील विजेता संघ रविवारी अहमदाबादच्या नरेंद्र मोदी स्टेडियमवर गतविजेत्या रॉयल चॅलेंजर्स बंगळुरूचा सामना करणार आहे. सर्वांच्या नजरा GT vs RR लढतीकडे लागल्या आहेत, कारण या सामन्यात ऑरेंज कॅपच्या शर्यतीत आघाडीवर असलेले तीन फलंदाज एकमेकांविरुद्ध उभे ठाकणार आहेत. १५ वर्षीय वैभव सूर्यवंशीने एलिमिनेटर सामन्यात सनरायझर्स हैदराबादच्या गोलंदाजांची धुलाई करून ९७ धावांची वादळी खेळी केली आणि तो Orange Cap च्या शर्यतीत अव्वल स्थानावर पोहोचला.