Aryavir Sehwag Century: १७ चौकार अन् ७ षटकार... ज्युनियर सेहवागची दीडशतकी खेळी अन् शुभमन गिलच्या विक्रमाची केली बरोबरी

१९ वर्षांखालील आशिया कप २०२६ स्पर्धेत अखेरचा साखळी सामना १९ वर्षीय आर्यवीर सेहवागने गाजवला आहे. मंगळवारी भारताचा अखेरचा साखळी सामना संयुक्त अरब अमिराती (UAE) विरुद्ध झाला. या सामन्यात भारताने ७० धावांनी विजय मिळवला. भारताच्या या विजयात माजी सलामीवीर वीरेंद्र सेहवागचा मुलगा आर्यवीर सेहवागने मोलाचा वाटा उचलला. त्याने या सामन्यात दीडशतकी खेळी केली.