IPL 2026 Auction: CSK ने प्रशांत वीरवर १४ कोटी का लावले? २० वर्षीय खेळाडूकडे असं काय आहे खास? वाचाल तर खूश व्हाल

आयपीएल २०२६ च्या मिनी लिलावात प्रशांत वीरने सर्वांचे लक्ष वेधले.प्रशांत वीर सर्वात महागडा अनकॅप्ड खेळाडू ठरला.प्रशांत वीरसाठी चेन्नई सुपर किंग्सने १४.२० कोटींची बोली लावून त्याला संघात घेतले..इंडियन प्रीमियर लीग २०२६ स्पर्धेसाठी सर्व १० फ्रँचायझी आपापले संघ मजबूत करण्यासाठी मंगळवारी प्रयत्न करत आहेत. अबुधाबीमध्ये आयपीएल २०२६ साठी खेळाडूंचा मिनी लिलाव मंगळवारी होत आहे. या लिलावातून ७७ खेळाडूंना बोली लागण्याची शक्यता आहे. आत्तापर्यंत कॅमेरॉन ग्रीनला सर्वाधिक २५ कोटींची बोली लागली आहे. एकिकडे अनेक स्टार खेळाडू अनसोल्ड राहिले आहेत, तर दुसरीकडे मात्र अनेक अनकॅप्ड खेळाडूंना मोठी मागणी दिसली. विशेष म्हणजे १० कोटींहूनही अधिक रक्कमेची बोली लावतानाही फ्रँचायझींनी मागेपुढे पाहिले नाही..IPL 2026 Auction: काव्या मारनला हवा होता फिरकीपटू, पण राजस्थान रॉयल्सने ७.२० कोटी मोजून मारली बाजी; ठरला महागडा भारतीय.सर्वात महागडा अनकॅप्ड खेळाडूदरम्यान, अनसोल्ड खेळाडूंमध्ये आधी अकिब दारसाठी दिल्ली कॅपिटल्सने तब्बल ८.४० कोटींची बोली लावली होती. त्यानंतर सर्वांचे लक्ष वेधले ते डावखुऱ्या अष्टपैलू प्रशांत वीर याने. ३० लाख त्याची मुळ किंमत होती. त्याच्यासाठी आधी लखनौ सुपर जायंट्स आणि मुंबई इंडियन्सने प्रयत्न केले. पण नंतर चुरस रंगली ती चेन्नई सुपर किंग्स आणि सनरायझर्स हैदराबाद संघात. अखेर चेन्नई सुपर किंग्सने तब्बल १४.२० कोटी रुपयांची बोली लावत त्याला संघात घेतलं. त्यामुळे तो सर्वात महागडा अनकॅप्ड खेळाडू ठरला. अनकॅप्ड खेळाडू म्हणजे ज्याने आंतरराष्ट्रीय क्रिकेट अद्याप खेळलेले नाही किंवा ज्याने शेवटचा आंतरराष्ट्रीय सामना खेळून ५ वर्षे झाली आहेत..यापूर्वी सर्वात महागडा अनकॅप्ड खेळाडू ठरण्याचा विक्रम आवेश खानच्या नावावर होता, ज्याच्यासाठी लखनौ सुपर जायंट्सने आयपीएल २०२२ लिलावात १० कोटींची बोली लावली होती. पण आता हा विक्रम प्रशांत वीरच्या नावावर झाला आहे.रवींद्र जडेजाचा पर्यायप्रशांत वीर २० वर्षांचा खेळाडू असून उत्तर प्रदेशसाठी देशांतर्गत क्रिकेट खेळतो. नोएडा सुपर किंग्ससाठी युपी टी२० लीगसाठी खेळताना तो प्रकाशझोतात आला होता. तो डाव्या हाताने फिरकी गोलंदाजी करणारा अष्टपैलू खेळाडू आहे. तो चेन्नई संघात रवींद्र जडेजाचा वारसा पुढे नेऊ शकतो. .युवा खेळाडू असलेल्या प्रशांतने आत्तापर्यंतच्या छोट्या कारकिर्दीतही आपली छाप पाडली आहे. विशेष म्हणजे त्याला लिलावापूर्वी चेन्नई सुपर किंग्सने ट्रायल्ससाठीही बोलावले होते. ट्रायल्समध्ये त्याने चेन्नई संघाला प्रभावित केले असून त्याच्याकडे रवींद्र जडेजाचा दीर्घकाळासाठी पर्याय म्हणून पाहिले जात आहे. जडेजाला चेन्नईने राजस्थान रॉयल्सला यावर्षी ट्रेड केले आहे. त्यामुळे त्याच्याप्रमाणेच अष्टपैलू खेळाडू चेन्नईला हवा होता. आयपीएल २०२५ पासून चेन्नईने त्यांच्या स्ट्रॅटर्जीमध्ये बदल केलेला दिसून आला आहे. त्यांनी अनेक युवा खेळाडूंना संधी दिली असून आता यात प्रशांत वीरचाही समावेश झाला आहे. प्रशांतसाठी दिग्गज क्रिकेटपटू युवराज सिंग आदर्श आहे..प्रशांत नुकतेच ७ दिवसात सय्यद मुश्ताक अली टी२० ट्रॉफी २०२५ आणि २३ वर्षांखालील स्टेट ए ट्रॉफी स्पर्धेत मिळून ६ सामने खेळले होते. त्याने ९ टी२० सामन्यात आत्तापर्यंत १६७ च्या स्ट्राईक रेटने ११२ धावा केल्या आहेत आणि १२ विकेट्सही घेतल्या आहेत. तो युपी टी२० लीग २०२५ स्पर्धेतील सर्वोत्तम खेळाडूही राहिला आहे. त्याने १० डावात ६४ च्या सरासरीने आणि १५५ च्या स्ट्राईक रेटने ३२० धावा केल्या होत्या आणि ८ विकेट्सही घेतल्या होत्या..IPL 2026 Auction live : भारतीय मिचेल स्टार्क! ३० लाखांवरून पोहोचला थेट ८.४० कोटी; कोण आहे Auqib Nabi? पाहा गोलंदाजीचा Video.इतकेच नाही तर नोव्हेंबर २०२५ मध्ये झालेल्या २३ वर्षांखालील स्टेट ए या बीसीसीआयच्या स्पर्धेत त्याने उत्तर प्रदेशसाठी ७ सामन्यांत ९४ च्या सरासरीने आणि १२८ च्या स्ट्राईक रेटने ३७६ धावा केल्या होत्या, ज्यात ४ अर्धशतकांचा समावेश आहे. त्याने गोलंदाजी करताना १८ विकेट्स घेतल्या होत्या. त्यामुळे तो या स्पर्धेतीलही सर्वोत्तम खेळाडू ठरला होता..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

IPL 2026 Auction: CSK ने प्रशांत वीरवर १४ कोटी का लावले? २० वर्षीय खेळाडूकडे असं काय आहे खास? वाचाल तर खूश व्हाल

Related Stories