KKR च्या २५ कोटीच्या खेळाडूने का केली नाही बॉलिंग? अजिंक्य रहाणेने दिलं स्पष्ट उत्तर, म्हणाला, 'सामन्यावेळी त्याला....'

अजिंक्य रहाणेच्या नेतृत्वातील कोलकाता नाईट रायडर्स संघ सध्या सर्वच विभागात संघर्ष करत आहे. आयपीएल २०२६ स्पर्धेत ६ सामन्यांमध्ये ५ पराभवांना कोलकाताला सामोरे जावे लागले आहे. एक सामना पावसामुळे रद्द झाला. त्यामुळे सध्या कोलकाता १ गुणासह पाँइंट्स टेबलमध्ये शेवटच्या स्थानी आहे.

दरम्यान, कोलकाताचे अनेक प्रमुख गोलंदाज जखमी झाल्याने स्पर्धेतून बाहेर आहेत. अशातच कोलताताने २५.२० कोटी रुपयांना खरेदी केलेला कॅमेरॉन ग्रीनही मर्यादीतच गोलंदाजी करताना दिसला आहे.

शुक्रवारी कोलकाताला गुजरात टायटन्सकडून ५ विकेट्सने पराभवाचा सामना करावा लागला, या सामन्यातही ग्रीनने (Cameron Green) गोलंदाजी केली नव्हती. याबाबत रहाणेने (Ajinkya Rahane) प्रतिक्रिया दिली आहे.