IND vs SA: संघ निवड ते अष्टपैलू खेळाडूंचा हट्ट... भारतीय संघाला द. आफ्रिकेविरुद्ध व्हाईटवॉश मिळण्यामागची ५ कारणे

दक्षिण आफ्रिकेविरुद्ध भारतीय संघाला मोठा पराभव सहन करावा लागला.दक्षिण आफ्रिकेने भारताला कसोटी मालिकेत २-० असे पराभूत केले.भारताच्या पराभवासाठी अनेक गोष्टी कारणीभूत ठरले..गेल्या १२ महिन्यात भारतीय क्रिकेट संघाने मर्यादीत षटकांच्या प्रकारात मोठे यश पाहिले असले, तरी मात्र कसोटीतील कामगिरी घसरली आहे. गेल्या वर्षभरात भारतीय संघावर दुसऱ्यांदा व्हाईटवॉशची नामुष्की ओढावली आहे. २०२४ च्या अखेरीस न्यूझीलंडने भारतीय संघाला ३-० अशा फरकाने कसोटीत पराभूत केल्यानंतर आता बुधवारी (२६ नोव्हेंबर) दक्षिण आफ्रिकेनेही भारतीय संघाला कसोटी मालिकेत २-० अशा फरकाने पराभूत केले. रविवारी दक्षिण आफ्रिकेने भारतीय संघाला गुवाहाटीत झालेल्या दुसऱ्या कसोटी सामन्यात तब्बद ४०८ धावांनी पराभूत केले. भारताचा धावांच्या तुलनेतील हा सर्वात मोठा पराभव ठरला. भारतीय संघाने गेल्या वर्षभरात मायदेशात दुसरा व्हाईटवॉश स्वीकारल्याने सध्या जोरदार टीका होत आहे..IND vs SA 2nd Test Live: भारताचा कसोटी मालिकेतील सर्वात मोठा पराभव; Rishabh Pant म्हणतो, थोडसा निराश आहे, पण....संघ निवडीत चूकाकसोटी क्रिकेट दीर्घकाळ खेळले जाणारे क्रिकेट म्हणून ओळखले जाते, ज्यात खेळाडूंची परीक्षा असते. अशावेळी अनुभवी खेळाडू आणि तंत्रशुद्ध फलंदाज संघात असणे महत्त्वाचे असते. भारतीय संघात रवींद्र जडेजा, शुभमन गिल, रिषभ पंत, मोहम्मद सिराज, जसप्रीत बुमराह, कुलदीप यादव, केएल राहुल अशा काही खेळाडूंकडे पुरेसा अनुभव आहे. मात्र यांच्यातील कोणताही खेळाडू अँकर फलंदाज म्हणून खेळणारा नाही. साई सुदर्शन, देवदत्त पडिक्कल, नितीश कुमार रेड्डी यांना पुरेसा प्रथम श्रेणी क्रिकेटचा अनुभव नाही. असे असतानाही निवड समितीने एक अनुभवी फलंदाजाला संघात संधी देण्याची गरज होती. कारण गेल्या वर्षभरात विराट कोहली, रोहित शर्मा, चेतेश्वर पुजारा हे तिन्ही खेळाडू निवृत्त झाले आहेत. तसेच अजिंक्य रहाणेला संधी दिली गेलेली नाही. त्यातच पहिल्याच सामन्यात कर्णधार शुभमन गिललाही दुखापत झाल्याचा फटका भारतीय संघाला बसला. कारण तो चौथ्या क्रमांकासाठी महत्त्वाचा खेळाडू होता..फलंदाजी क्रमवारीत प्रयोगदरम्यान, सलामीची जोडी सोडली, तर भारताच्या फलंदाजी क्रमवारीत दोन्ही डावात बदल झालेले दिसले. विशेषत: तिसऱ्या क्रमांकासाठी. कसोटीत तिसरा क्रमांक महत्त्वाचा असतो, पण दक्षिण आफ्रिकेविरुद्ध पहिल्या कसोटीत वॉशिंग्टन सुंदरने तिसऱ्या क्रमांकावर फलंदाजी केली, तर दुसऱ्या कसोटीत साई सुदर्शनने या क्रमांकावर फलंदाजी केली. सुंदरने पहिल्या कसोटीत चांगली कामगिरी केलेली असतानाही, त्याला दुसऱ्या कसोटीत ८ व्या क्रमांकावर फलंदाजीला पाठवण्यात आले. तसेच दुसऱ्या कसोटीत नितीश कुमारला अष्टपैलू म्हणून खेळवले, मात्र त्याने दोन्ही डावात १० षटकेच गोलंदाजी केली. तसेच फलंदाजीलाही तो ९ व्या क्रमांकावर आला होता. अशात त्याच्या जागेवर अक्षर पटेल खेळू शकला असता. तसेच प्लेइंग इलेव्हनमध्येही सातत्याने बदल होताना दिसत आहे. पण सातत्याने संघात होणारे या प्रयोगांमुळे खेळाडूंमध्ये त्यांच्या भूमिकेबद्दल गोंधळ होऊ शकतो आणि याचा परिणाम भारतीय संघावरही दिसून आल्याचे दिसत आहे..अष्टपैलू खेळाडूंवर अधिक भरकसोटी क्रिकेटमध्ये डाव उभा करणे महत्त्वाचे असते, अशात एक तरी फलंदाज उभा रहाणे महत्त्वाचे असते. मात्र दोन्ही सामन्यात भारतीय संघव्यवस्थापनेकडून तंत्रशुद्ध फलंदाजांपेक्षा अष्टपैलू खेळाडूंवर अधिक भर देण्यात आला. ज्याचा फटका भारतीय संघाला बसला. भारताकडून केवळ पहिल्या तीन क्रमांकावर फलंदाज खेळले, त्यानंतर ध्रुव जुरेल आणि रिषभ पंत हे यष्टीरक्षक फलंदाज खेळले, तर रवींद्र जडेजा, वॉशिंग्टन सुंदर, अक्षर पटेल आणि नितीश कुमार रेड्डी हे चार अष्टपैलू खेळाडू खेळले. संघाला चांगला समतोल राखण्यासाठी एक किंवा दोन अष्टपैलू प्लेइंग इलेव्हनमध्ये असणे पुरेसे असते, पण भारताने तीन अष्टपैलू खेळवले..पूर्वतयारीच नाहीदक्षिण आफ्रिकेने काही महिन्यांपूर्वीच वर्ल्ड चॅम्पियनशीप जिंकली आहे. त्यांचा संघ श्रीलंका आणि पाकिस्तान या आशियाई संघांविरुद्ध खेळून भारतात आला होता, त्यामुळे भारतीय उपखंडाशी त्यांना जुळवून घेणे सोपे गेले. अशात ते भारतासमोर आव्हान निर्माण करणार हे स्पष्ट होते. अशावेळी भारतीय संघाची तयारी असणेही महत्त्वाचे होते. पण भारतीय संघाने वेस्ट इंडिजविरुद्ध ऑक्टोबरमध्ये कसोटी मालिका जिंकल्यानंतर दक्षिण आफ्रिकेसाठी पुरेशी तयारीच केली नसल्याचे दिसले. काही खेळाडू रणजी ट्रॉफी आणि आणि दक्षिण आफ्रिका अ संघाविरुद्ध खेळले. मात्र दक्षिण आफ्रिका वरचढ ठरत असताना भारतीय संघ गोंधळलेला दिसला, तसेच भारतीय संघाकडे योजनाच नसल्याचे स्पष्ट दिसून आले. दक्षिण आफ्रिकेच्या तळातील फलंदाजांनीही भारतीय संघाला त्रास दिला. तसेच भारताने दोन्ही डावात ६-६ डावखुरे खेळाडू प्लेइंग इलेव्हनमध्ये खेळले, ज्यांच्याविरुद्ध सिमॉन हार्मरची फिरकी गोलंदाजी वरचढ ठरली. पहिल्या सामन्यात हार्मरने ८ विकेट्स घेतल्यानंतर किमान दुसऱ्या सामन्यासाठी त्याची तयारी असायला हवी होती, पण दुसऱ्या सामन्यातही हार्मर भारतीय फलंदाजांना त्रास देताना दिसला. .WTC 2027 Points Table: व्हाईटवॉश तर झालाच, पण टीम इंडिया पाकिस्तानच्याही खाली घसरले; जाणून घ्या कोणत्या क्रमांकावर राहिले.फलंदाजांची खालावलेली कामगिरीकोलकाताला झालेल्या पहिल्या कसोटीत जरी खेळपट्टी गोलंदाजांना मदत करणारी असली, तरी भारताचा एकही फलंदाज टिकून खेळू शकला नाही. तसेच गुवाहाटी कसोटीत एकिकडे दक्षिण आफ्रिकेने पहिल्या डावात ४८९ धावा केलेल्या असताना भारतीय संघ मात्र २०१ धावांवर कोलमडला. दुसऱ्या डावातही भारतीय संघ १४० धावांवर कोलमडला. भारताकडून दोन्ही सामन्यात मिळून केवळ यशस्वी जैस्वाल आणि रवींद्र जडेजा या दोघांनीच अर्धशतके केली. विशेष म्हणजे चार डावात भारताला फक्त एकदाच २०० धावांचा टप्पा पार करता आला. एकही फलंदाज खेळपट्टीवर टिकून न राहिल्याचा भारतीय संघाला या मालिकेत मोठा फटका बसला.दक्षिण आफ्रिकेसाठी मार्करम आणि रिकल्टन यांनी मोठ्या धावा केल्या नसल्या तरी त्यांनी दोन्ही सामन्यात दक्षिण आफ्रिकेला चांगली सुरुवात करून दिली होती. नव्या चेंडूचा परिणाम त्यांनी सुरुवातीला संयमी खेळत कमी केला, ज्यामुळे नंतर येणाऱ्या फलंदाजांना फायदा झाला होता. तसेच त्यांच्याकडून किमान एका खेळाडूने जबाबदारी घेत मोठी खेळी केली. पण भारताकडून असं करताना कोणताही फलंदाज दिसला नाही..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.