T20 WC India Semifinal Scenario : द. आफ्रिकेच्या पोरींनी बाजी मारली, भारतीय संघाची झोप उडवली; उपांत्य फेरीत कोण पोहोचणार अन् कसे?

महिला टी२० वर्ल्ड कप २०२६ स्पर्धा रंगतदार झाली आहे. गुरुवारी भारतीय महिला संघाने बांगलादेशला ५ विकेट्सने पराभूत करत स्पर्धेतील तिसरा विजय मिळवला आणि ६ गुण मिळवले. त्यामुळे भारताचे आता ६ गुण झाले आहेत. मात्र भारताच्या या विजयानंतरही दक्षिण आफ्रिका महिला संघाने भारतीय संघाला दबावात टाकले आहे.

गुरुवारीच भारताच्या विजायानंतर दक्षिण आफ्रिकेने नेदरलँड्स महिला संघाला ब्रिस्टोलमध्ये झालेल्या सामन्यात ८८ धावांनी पराभूत केले आहे. त्यामुळे आता दक्षिण आफ्रिकेचाही हा ४ सामन्यांमधील तिसरा विजय आहे.

दक्षिण आफ्रिकेचेही आता ६ गुण आहेत. भारत आणि दक्षिण आफ्रिका हे दोन्ही संघ अ गटात आहेत. याच गटात स्पर्धेतील सर्वात यशस्वी संघ ऑस्ट्रेलिया देखील आहे. ऑस्ट्रेलियाने आत्तापर्यंचे सर्व ४ सामने जिंकून अव्वल क्रमांक मिळवलेला आहे.