सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
- Games esakal
WPL 2024 Mumbai Indians vs Gujarat Giants : महिला प्रीमियर लीग 2024 मध्ये आतापर्यंत अनेक रोमांचक सामने खेळले गेले आहेत. शनिवारी हंगामातील 16 व्या सामना गतविजेत्या मुंबई इंडियन्सचा दिल्लीतील अरुण जेटली स्टेडियमवर गुजरात जायंट्सचा सामना झाला. या सामन्याच्या दुसऱ्या डावात अचानक एक घटना घडल्याने सामना काही मिनिटे थांबवावा लागला.
महिला प्रीमियर लीगच्या इतिहासात असे यापूर्वी कधीही पाहिले नव्हते. मात्र, यामुळे कोणतीही दुर्घटना झाली नाही किंवा कोणाचेही नुकसान झाले नाही. जाणून घेऊया संपूर्ण प्रकरण...
नाणेफेक जिंकून प्रथम फलंदाजी करताना गुजरात जायंट्सने 20 षटकांत सात गडी गमावून 190 धावा केल्या. कर्णधार बेथ मुनीने 66 धावांची तर हेमलताने 74 धावांची खेळी खेळली. प्रत्युत्तरात मुंबई संघाने शानदार धावांचा पाठलाग केला. सामन्याच्या 18व्या षटकात मुंबईला 12 चेंडूत 23 धावांची गरज असताना अचानक सामना थांबवावा लागला.
अरुण जेटली स्टेडियमच्या मैदानातमध्ये अचानक पाण्याचे फवारे चालू झाले. फक्त एक-दोन कारंजे नव्हते तर अनेक होते. यानंतर बंद करण्यास काही मिनिटे लागली. आणि त्यामुळे मैदान ओले झाले. त्या कारणामुळे बराच वेळ सामना थांबवावा लागला.
मुंबईसाठी कर्णधार हरमनप्रीत कौरने उत्कृष्ट खेळी केली. तिने 48 चेंडूत 10 चौकार आणि पाच षटकारांच्या मदतीने नाबाद 95 धावा केल्या. यास्तिका भाटियाने 36 चेंडूंत 8 चौकार आणि 1 षटकाराच्या मदतीने 49 धावांची खेळी केली. अमेलिया कार 12 धावा करून नाबाद राहिली. गुजरातच्या डावात मुंबईकडून सायका इशाकने दोन बळी घेतले. तर, हेली मॅथ्यूज, शबनीम इस्माईल, पूजा वस्त्राकर आणि सजना यांनी प्रत्येकी एक विकेट घेतली. तर गुजरातकडून ॲश्ले गार्डनर, तनुजा कंवर आणि शबनम शकील यांनी प्रत्येकी एक विकेट घेतली.
या विजयासह मुंबई संघ महिला प्रीमियर लीग 2024 च्या प्लेऑफमध्ये पोहोचणारा पहिला संघ ठरला आहे. आतापर्यंत त्याने सातपैकी पाच सामने जिंकले आहेत आणि दोन गमावले आहेत. मुंबईचे 10 गुण आहेत. त्याचवेळी दिल्लीचा संघ चार विजय आणि दोन पराभवांसह सहा सामन्यांतून आठ गुणांसह दुसऱ्या स्थानावर आहे. रॉयल चॅलेंजर्स बंगळुरूचे सहा पैकी तीन विजयांसह सहा गुण आहेत. त्याच वेळी यूपी वॉरियर्सचे सात सामन्यांत तीन विजयांसह सहा गुण आहेत आणि ते चौथ्या स्थानावर आहे. गुजरात जायंट्स सहा सामन्यांतून केवळ एक विजय आणि पाच पराभवांसह गुणतालिकेत तळाच्या पाचव्या स्थानावर आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
