वूमन्स प्रीमियर लीग २०२५ स्पर्धेतील १९ वा सामना सोमवारी (१० मार्च) मुंबई इंडियन्स विरुद्ध गुजरात जायंट्स संघात पार पडला. या दोन्ही संघांनी प्ले ऑफमधील स्थान आधीच पक्के केले आहे. पण पाँइंट्स टेबलमध्ये पहिले स्थान मिळवण्यासाठी स्पर्धा आहे. अशात आता मुंबईने रोमांचक सामन्यात ९ धावांनी विजय मिळवला.
या विजयामुळे आता त्यांचेही १० गुण झाले असून ते दुसऱ्या क्रमांकावर आहेत. पण त्यांचा आणखी एक साखळी सामना बाकी आहे. पहिल्या क्रमांकावर १० गुणांसह दिल्ली कॅपिटल्स आहेत. पण दिल्लीचे सर्व साखळी सामने झाले आहेत.
त्यामुळे आता मुंबईला उर्वरित सामना जिंकून पहिला क्रमांक मिळवून थेट अंतिम सामन्यात पोहचण्याची संधी असणार आहे. गुजरातचेही सर्व ८ साखळी सामने झाले असून ते ८ गुणांसह तिसऱ्या क्रमांकावर आहेत.
