इंग्लंड क्रिकेट संघाने मंगळवारी (२४ जून) भारतीय संघाविरुद्ध तेंडुलकर - अँडरसन ट्रॉफी या कसोटी मालिकेतील पहिल्या सामन्यात विजय मिळवला. लीड्समधील हेडिंग्ले येथे झालेल्या पहिल्या सामन्यात बेन स्टोक्सच्या नेतृत्वातील इंग्लंड संघाने भारताला ५ विकेट्सने पराभूत केले.
यामुळे शुभमन गिलची कसोटी कर्णधार म्हणून मात्र पराभवाने सुरुवात झाली. हा सामना शेवटच्या दिवसाच्या शेवटच्या सत्रापर्यंत रोमांचक झाला होता, पण अखेर इंग्लंडने विजय मिळवत मालिकेत १-० अशी आघाडी घेतली आहे.
