Australia vs South Africa in WTC Final 2025: दक्षिण आफ्रिकेने १९९८ मध्ये चॅम्पियन्स ट्रॉफी उंचावून पहिले आयसीसी स्पर्धेचे जेतेपद पटकावले होते. त्यानंतर बरेच वर्ष प्रयत्न करूनही ऐन मोक्याच्या क्षणाला त्यांनी कच खाल्ला आणि त्यामुळेच ते चोकर्स म्हणून ओळखले गेले. पण, २७ वर्षांनंतर दक्षिण आफ्रिका आयसीसी स्पर्धेच्या जेतेपदाचा दुष्काळ संपवण्याच्या उंबरठ्यावर आहेत. ऑस्ट्रेलियाविरुद्धच्या जागतिक कसोटी अजिंक्यपद स्पर्धेच्या फायनलमध्ये आफ्रिकेला विजयासाठी ६९ धावा हव्या आहेत. एडन मार्करम ( AIDEN MARKRAM ) आणि टेम्बा बवुमा यांनी ऑस्ट्रेलियाला पराभवाच्या छायेत लोटले आहे आणि आज WTC Final 2025 चा निकाल निश्चित आहे.