Riyan Parag
Riyan ParagSakal

IND vs ZIM: पहिल्याच T20I मधून रियान परागसह तीन खेळाडूंचे टीम इंडियाकडून पदार्पण; अशी आहे 'प्लेइंग-11'

India Playing XI: भारतीय संघाचा झिम्बाब्वेविरुद्धचा पहिला टी२० सामना शनिवारी होत आहे. या सामन्यातून भारतीय संघाकडून तीन खेळाडूंचे पदार्पण झाले आहे.

Zimbabwe vs India, 1st T20I Playing XI: भारतीय क्रिकेट संघ सध्या झिम्बाब्वे दौऱ्यावर असून या ५ सामन्यांची टी२० मालिका खेळणार आहे. या मालिकेतील पहिला सामना शनिवारी (६ जुलै) होत आहे. हरारे येथे होत असलेल्या या सामन्यात भारतीय संघाने नाणेफेक जिंकून प्रथम गोलंदाजी करण्याचा निर्णय घेतला आहे.

या सामन्यातून भारतीय संघाकडून अभिषेक शर्मा, रियान पराग आणि ध्रुव जुरेल यांचे आंतरराष्ट्रीय टी२० पदार्पण झाले आहे. यातील अभिषेक आणि रियान यांचे हे आंतरराष्ट्रीय पदार्पण आहे, तर जुरेलचे यापूर्वीच इंग्लंडविरुद्ध कसोटी सामन्यातून आंतरराष्ट्रीय पदार्पण झाले आहे, पण त्याला भारताकडून आंतरराष्ट्रीय टी२० क्रिकेटमध्ये पहिल्यांदाच संधी मिळाली आहे.

Riyan Parag
IND vs ZIM: झिम्बाब्वेविरुद्धच्या मालिकेसाठी भारतीय संघात मोठे बदल; BCCI ने ज्याच्यावर बंदी घातलेली, त्यालाच दिली संधी

दरम्यान, या सामन्यासाठी टी२० वर्ल्ड कप जिंकून आलेल्या भारतीय संघातील खेळाडूंना संधी देण्यात आलेली नाही. त्यांना विश्रांती देण्यात आली आहे.त्यामुळे भारतीय संघाचे नेतृत्व शुभमन गिल करत आहे.

यापूर्वीच शुभमनने सांगितल्याप्रमाणे आता अभिषेक त्यांच्यासह सलामीला फलंदाजी करता दिसेल, तर ऋतुराज गायकवाड तिसऱ्या क्रमांकावर फलंदाजीला उतरणार आहे. दरम्यान, अनेक वरिष्ठ खेळाडूंनी टी२०मधून निवृत्ती घेतल्याने आणि काही खेळाडूंना विश्रांती दिल्याने या सामन्यात भारताचा पूर्णपणे नवा संघ उतरला आहे.

Riyan Parag
IND vs ZIM T20 Series : बोर्डाने केली मोठी घोषणा! टी-20 मालिकेच्या 1 दिवसआधी संघांला मिळाला नवीन कोच

शुभमन गिलचीही आंतरराष्ट्रीय टी२० क्रिकेटमध्ये नेतृत्व करण्याची ही पहिलीच वेळ आहे. तो भारताचे आंतरराष्ट्रीय टी२० मध्ये नेतृत्व करणारा १२ वा खेळाडू ठरला आहे.

असे आहेत प्लेइंग इलेव्हन -

  • भारत - शुभमन गिल (कर्णधार), अभिषेक शर्मा, ऋतुराज गायकवाड, रियान पराग, रिंकु सिंग, ध्रुव जुरेल (यष्टीरक्षक), वॉशिंग्टन सुंदर, रवी बिश्नोई, आवेश खान, मुकेश कुमार, खलील अहमद

  • झिम्बाब्वे - तादिवानाशे मारुमणी, इनोसंट कैया, ब्रायन बेनेट, सिकंदर रझा (कर्णधार), डिओन मायर्स, जोनाथन कॅम्पबेल, क्लाइव्ह मदंडे (यष्टीरक्षक), वेस्ली माधेवरे, ल्यूक जोंगवे, ब्लेसिंग मुझाराबानी, तेंदाई चतारा

Crossword Mini:

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com