वॉर्नरच्या गोल्डन डकची 'अनहोनी कहानी' 9 वर्षापूर्वीच्या घटनेची पुनरावृत्ती

वार्नर पंजाबविरुद्धच्या सामन्यात गोल्डन डकचा शिकार झाला.
David warner got out on golden duck for the first time after 9 years in ipl
David warner got out on golden duck for the first time after 9 years in ipl esakal

आयपीएल 15 व्या सीझनमध्ये सर्वाधिक धावा करणारा फंलदाज म्हणजे डेव्हिड वॉर्नरला ओळखले जाते. मात्र, वार्नर पंजाबविरुद्धच्या सामन्यात गोल्डन डकचा शिकार झाला. त्याच्यासोबत अशीच घटना 9 वर्षापूर्वी पंजाबविरुद्धच घडली होती. कदाचित त्याच्यासोबतचा हा अनोखा योगायोग म्हणावा लागेल. विशेष म्हणजे त्या घटनेची तारीखदेखील 16 मे हीच होती.

David warner got out on golden duck for the first time after 9 years in ipl
गेल-डिव्हिलियर्स खेळत नसले तरी आरसीबीच्या 'हॉल ऑफ फेम'मध्ये

या सामन्यात (Delhi Capitals vs Punjab Kings) पंजाब किंग्सने नाणेफेक जिंकून दिल्लीकडे प्रथम फंलदाजी दिली. दिल्लीकडून डेव्हिड वॉर्नर (David Warner) आणि सर्फराज खान (Sarfaraz Khan) सलामीला फलंदाजीला उतरले.

सामन्यातील पहिले षटक लियाम लिव्हिंगस्टोन (Liam Livingston) पंजाबकडून टाकणार होता. त्याने पहिल्याच चेंडूवर वॉर्नरला चकवले. वॉर्नरने ड्राईव्ह करण्याच्या प्रयत्नात बॅकवर्ड पाँइंटला झेल दिला. त्याचा झेल राहुल चाहरने पकडला. त्यामुळे वॉर्नरला सामन्याच्या पहिल्याच चेंडूवर विकेट गमवावी लागली.

9 वर्षापूर्वी म्हणजेच आयपीएल 2013 मध्ये सनरायझर्स हैदराबादकडून खेळत होता. त्यावेळी 16 मे दिवशी पंजाबविरुद्ध तो मैदानात उतरला होता. तो खेळण्यासाठी सज्ज झाला. पहिल्या चेंडूवर खेळला पण रन न काढताच बाद झाला. गोल्डन डक झाला.

आता तो 9 वर्षांनी पंजाबविरुद्ध खेळताना त्याच्यासोबत तेच घडले. मात्र, या वर्षादरम्यान वॉर्नर एकदाही गोल्डन डक झालेला नाही.

David warner got out on golden duck for the first time after 9 years in ipl
'कॅप्टन तुमच्या घरचा शिपाई नाही' कोलकाताच्या कोचवर भडकला PAK क्रिकेटर

विशेष गोष्ट अशी की, सामन्याचा पहिला चेंडू खरंतर सर्फराज खेळणार होता. त्याने क्रिजवर फलंदाजीसाठी स्टान्स देखील घेतला होता. वॉर्नर नॉन-स्ट्रायकरला उभा होता. पण, लिव्हिंगस्टोन गोलंदाजी करणार असल्याचे पाहून पहिला चेंडू पडण्यापूर्वीच वॉर्नर सर्फराजजवळ आला आणि नंतर त्यांच्यात काहीतरी बोलणे झाले.

यानंतर वॉर्नर पहिल्या चेंडूसाठी स्वत: स्टाईक घेताना दिसला. या घटनेवरून असे दिसून येत होते की, कदाचीत वॉर्नरनेच पहिला चेंडू खेळण्याचा निर्णय घेतला. महत्त्वाची गोष्ट अशी की वॉर्नर तब्बल 9 वर्षांनी गोल्डन डकवर (Golden Duck) म्हणजेच पहिल्या चेंडूवर बाद झाला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com