Deepika Padukone : FIFA World Cup Final मध्ये दीपिका रचणार इतिहास, हा मान मिळवणारी ठरणार पहिली भारतीय अभिनेत्री

Deepika Padukone FIFA World Cup Trophy Final : फिफा वर्ल्डकप इतिहासात कधी झालं नाही असं यंदा कतारमध्ये होणार आहे. यांदाच्या वर्ल्डकपमध्ये अंतिम सामन्यात FIFA World Cup trophy चे अनावरण करण्याचे भाग्य भारताची आघाडीची अभिनेत्री दीपिका पदुकोणला मिळणार आहे. विशेष म्हणजे हा मान मिळवणारी दीपिका पदुकोण ही भारताची पहिली अभिनेत्री ठरणार आहे.

सूत्रांनी दिलेल्या माहितीनुसार दीपिका पदुकोणनेच ती कतारला जात असल्याचे उघड केले आहे. जगातील सर्वात मोठा इव्हेंट म्हणून ओळखल्या जाणाऱ्या फिफा वर्ल्डकप ट्रॉफीचे फायनलमध्ये दीपिका पदुकोणच्या हस्ते अनावरण होणार आहे. या ऐतिहासिक क्षणाचा साक्षीदार संपूर्ण फुटबॉल जगत असणार आहे. दीपिका ही फिफाची ट्रॉफी फायनलमध्ये अनावरण करणारी पहिली भारतीय अभिनेत्री (कलाकार) ठरणार आहे.

दीपिकाने कान्स फिल्म फेस्टिव्हलमध्ये देखील भारताच्या शिरपेचात एक मानाचा तुरा खोवला होता. ती या फिल्म फेस्टिव्हलमध्ये ज्युरी मेंबर म्हणून निवडली गेली होती. याचबरोबर गोल्डन रेशो ऑफ ब्युटी या संस्थेनुसार जगातील सर्वात सुंदर महिला टॉप 10 च्या यादीत समाविष्ट असणारी एकमेव महिला ठरली होती.

हेही वाचा : First Paralympic Winner : मुरलीकांत पेटकर सांगतायत अपंग खेळाडूंसमोरील आव्हाने