Wrestler Murder Case : सुशील कुमार विरोधात लूकआउट नोटिस

Sushil Kumar
Sushil Kumargoogle

दिल्ली येथील छत्रसाल स्टेडियमवर (Delhi Chhatrasal) दोन गटात झालेल्या हाणामारीच्या घटनेत एका पैलवानाचा मृत्यू झालाय. या प्रकरणात ऑलिम्पिक विजेत्या सुशील कुमारचे नाव समोर आले असून या घटनेपासून तो फरार आहे. दिल्ली पोलिसांनी (Delhi Police) आता त्याच्या विरोधात लुकआउट नोटीस (Lookout Notice ) जारी केली आहे. एका वरिष्ठ पोलिस अधिकाऱ्याने सोमवारी प्रसारमाध्यमांना यासंदर्भातील माहिती दिली. पोलिसांनी पीडितांची जबानी नोंदवून घेतली असून मॉडेल टाउन परिसरातील फ्लॅट खाल करण्यावरुन दोन गटात वाद झाल्याची माहिती समोर आलीये.

Sushil Kumar
हत्याप्रकरणात ऑलिम्पिकवीर सुशील कुमारवर अटकेची टांगती तलवार

याप्रकरणात दाखल करण्यात आलेल्या गुन्ह्यामध्ये सुशील कुमारचे (Sushil Kumar) नाव आहे. तो फरार असून पोलिस त्याचा शोध घेत आहेत. दिल्ली-एनसीआर आणि आसपासच्या परिसरात पोलिसांनी छापामारी करत त्याचा शोध घेत असल्याची माहितीही पोलिसांनी यापूर्वी दिली होती. ज्यावेळी भांडण झाले त्यावेळी सुशील कुमार त्याठिकाणी होता, असा आरोप पीडितांनी केलाय. याप्रकरणात सुशील कुमारसह अजय, प्रिंस दलाल, सोनू, सागर, अमित आणि अन्य काहींची नावे आहेत. यातील एकाला अटक झाली आहे.

लूकआउट नोटिस म्हणजे नेमकं काय?

एखादा आरोपी देशाबाहेर पळून जाऊ नये यासाठी लूकआउट सर्क्युलर (LOC) किवा लूकआउट नोटीस जारी केले जाते. पसार असलेल्या आरोपीचा शोध घेण्यासाठी याचा वापर केला जातो. आंतरराष्ट्रीय सीमेवर (आंतरराष्ट्रीय विमानतळ, समुद्री क्षेत्र, बंदरे) संबंधित आरोपीची चौकशी करण्यासाठी याचा वापर केला जातो.

Delhi Police Issue Lookout Notice Against Wrestler Sushil Kumar In Chhatrasal wrestler murder case

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com