अहमदाबाद: गुजरातमधील प्रसिद्ध हिरे व्यावसायिक (Diamond Merchant) सावजी ढोलकिया (Savji Dholakia) यांनी भारतीय महिला हॉकी संघातील (womens Hockey team) खेळाडूंना घर बांधणीसाठी (home) ११ लाख रुपये देणार असल्याचे जाहीर केले आहे. सावजी ढोलकिया हे त्यांच्या कर्मचाऱ्यांना बोनसमध्ये महागड्या भेटवस्तू देण्यासाठी ओळखले जातात. महिला हॉकी संघातील ज्या खेळाडूंना घर बांधायचे आहे, त्यांना ११ लाखापर्यंत कंपनीकडून आर्थिक मदत देण्याची घोषणा सावजी ढोलकिया यांनी केली आहे.
महिला हॉकी संघाने पदक विजेती कामगिरी केली तर टीममधील अन्य सदस्यांना पाच लाखापर्यंत नवी कोरी कार देण्याचाही त्यांनी शब्द दिला आहे. मंगळवारी भारतीय महिला हॉकी संघाने ऑस्ट्रेलियाचा पराभव करुन उपांत्यफेरीत प्रवेश केला. पण उपांत्यफेरीत अर्जेंटिनाकडून २-१ असा पराभव स्वीकारावा लागला. त्यामुळे भारताचे सुवर्णपदकाचे स्वप्न भंगले.
आता ब्राँझ मेडलच्या सामन्यात भारताची लढत ग्रेट ब्रिटन विरुद्ध होणार आहे. "मला मनापासून खूप अभिमान वाटतोय. या निमित्ताने मी जाहीर करतो की, एचके ग्रुपने महिला हॉकी संघाला सन्मानित करण्याचा निर्णय घेतला आहे. ज्या खेळाडूंना घर बांधायचे आहे, त्यांना ११ लाखाची आर्थिक मदत दिली जाईल. टोक्यामध्ये भारतीय महिला संघाने इतिहास रचला आहे. आमच्याकडून त्यांचे मनोधैर्य वाढवण्याच्या प्रयत्नाचा हा एक भाग आहे" असे सावजी ढोलकिया यांनी टि्वटमध्ये म्हटले आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.