T20 World Cup 2024 : 'या' आयोजक देशाने घेतली माघार; वर्ल्डकपला अवघे काही महिने राहिले असताना ICC ला बसला धक्का

T20 World Cup 2024 : आयसीसी टी 20 वर्ल्डकप 4 जून पासून वेस्ट इंडीज आणि युएसए येथे खेळवला जाणार आहे. 30 जूनपर्यंत खेळला जाणारा हा वर्ल्डकप अवघ्या काही महिन्यांवर आला असातानाच कॅरेबियन बेटातील एका देशाने आयोजनातून माघार घेतली आहे. त्यामुळे आयसीसीच्या डोकेदुखीत वाढ झाली आहे.

डॉमिनिकाने आयसीसी टी 20 वर्ल्डकप 2024 मधील आयोजनातून माघार घेतली आहे. डॉमिनिकाचे संस्कृती, युवा आणि क्रीडा विकास मंत्र्यांनी गुरूवारी याची घोषणा केली.

डॉमिनिकाच्या सरकराने आपण स्पर्धेसाठी लागणाऱ्या पायभूत सुविधा आणि मैदाने वेळेत पूर्ण करू शकणार नसल्याने टी 20 वर्ल्डकपच्या आयोजनातून माघार घेत असल्याचं जाहीर केलं.

डॉमिनिकामधील विंडसोर पार्क स्टेडियम हे टी 20 वर्ल्डकपचे सामने खेळवण्यासाठी निडवण्यात आलं होतं. येथे ग्रुप स्टेजमधील एक आणि सुपर 8 मधील दोन सामने आयोजित केले जाणार होते. एमओयू मधील बंधने पाळण्यात येत असलेल्या अडचणींमुळे डॉमिनिकाने आयोजक देशांमधून बाहेर पडण्याचा निर्णय घेतला आहे.

ठरल्या वेळेत स्टेडियमचे नुतनीकरण करणे शक्य नाही त्यामुळे स्टेडियम वेळेत पूर्ण तयार होणार नाही असं डॉमिनिकाच्या सरकारचं म्हणणं आहे. ते आपल्या वक्तव्यात म्हणतात, 'डॉमिनिका आंतरराष्ट्रीय सामन्यांचे यशस्वी आयोजन करण्याची आपली पत कायम ठेवली आहे. मात्र टी 20 वर्ल्डकप आयोजनातून माघार घेण्याचा निर्णय सर्वांसाठीच योग्य आहे.'

'डॉमिनिका सरकार अनेक वर्षांच्या क्रिकेट वेस्ट इंडीजच्या सहकाऱ्याबद्दल आभारी आहे. आम्ही भविष्यात देखील एकत्र काम करू. डॉमिनिका सरकार इतर आयोजकांना जूनमध्ये होणाऱ्या टी 20 वर्ल्डकपचे यशस्वी आयोजन करावे यासाठी शुभेच्छा देते.'

(Sports Latest News)