Virat Kohli: चौकार मारत विराटचा मोठा करिष्मा! असा पराक्रम करणारा जगातील पहिला खेळाडू

Ind vs Aus Test Virat Kohli : भारत आणि ऑस्ट्रेलिया यांच्यातील मालिकेतील दुसऱ्या कसोटी सामना खेळल्या जात आहे. दिल्ली कसोटीत विराट कोहलीने अद्भुत कामगिरी केली आहे. महेंद्रसिंग धोनी आणि सौरव गांगुली सारखे दिग्गज देखील त्यांच्या संपूर्ण आंतरराष्ट्रीय क्रिकेट कारकिर्दीत हा विक्रम करू शकले नाहीत. आंतरराष्ट्रीय क्रिकेट 25,000 धावा करणारा विराट कोहली जगातील सहावा फलंदाज ठरला आहे.

विराट कोहली आंतरराष्ट्रीय क्रिकेटमध्ये 25000 धावा पूर्ण करणार आहे. भारतीय क्रिकेटच्या इतिहासात ही मोठी कामगिरी करणारा तो सचिन तेंडुलकरनंतर दुसरा भारतीय फलंदाज ठरला. त्याच वेळी 50+ ची सरासरी आणि सर्वात जलद 25000 धावा करणारा जगातील पहिला खेळाडू बनला आहे.

आंतरराष्ट्रीय क्रिकेटमध्ये सर्वाधिक धावा करणारा खेळाडू

• सचिन तेंडुलकर (भारत) - 34357 धावा

• कुमार संगकारा (श्रीलंका) - 28016 धावा

• रिकी पाँटिंग (ऑस्ट्रेलिया) - 27483 धावा

• महेला जयवर्धने (श्रीलंका)- 25957 धावा

• जॅक कॅलिस (दक्षिण आफ्रिका) - 25534 धावा

• विराट कोहली (भारत) - 25000+ धावा

आंतरराष्ट्रीय क्रिकेटमध्ये सर्वात जलद 25000 धावा

विराट कोहलीने केवळ 549 सामन्यांमध्ये 25000 धावांचा टप्पा पार केला आहे. याआधी कोणत्याही फलंदाजाने इतक्या डावात 25 हजार धावा केल्या नाही. त्याच्याशिवाय सचिन तेंडुलकरने 577 डावांमध्ये 25000 धावा केल्या. त्याचबरोबर रिकी पाँटिंगने 588 डावात, जॅक कॅलिसने 594 डावात, कुमार संगकारा 608 आणि महेला जयवर्धने 701 डावात हा आकडा पार केला.