India vs Australia WTC Final 2023 : टीम इंडियाने सलग दुसऱ्यांदा वर्ल्ड टेस्ट चॅम्पियनशिपच्या फायनलमध्ये प्रवेश केला आहे. त्याचवेळी ऑस्ट्रेलिया प्रथमच WTC फायनल खेळत आहे. 2021 WTC फायनलमध्ये टीम इंडियाला न्यूझीलंडकडून 8 गडी राखून पराभव स्वीकारावा लागला होता. अशा स्थितीत यावेळी संघ चॅम्पियन बनण्याच्या इराद्याने ऑस्ट्रेलियाविरुद्ध मैदानात उतरणार आहे. दरम्यान एक मोठी माहिती समोर आली आहे.
भारत आणि ऑस्ट्रेलिया यांच्यात होणाऱ्या WTC फायनल सामन्यावर पावसाचे सावट आहे. 7 ते 11 जून दरम्यान लंडनमध्ये हे मॅच होणार आहे. दरम्यान हवामानाचा वेध घेतल्यास पहिल्या, दुसऱ्या आणि तिसऱ्या दिवशी पाऊस पडण्याची शक्यता नाही, तर चौथ्या दिवशी पावसाची पूर्ण शक्यता आहे.
त्याचबरोबर पाचव्या दिवशीही हवामान पुन्हा स्वच्छ राहण्याचा अंदाज आहे. जर आपण राखीव दिवस म्हणजेच 12 जूनबद्दल बोललो तर या दिवशी देखील हवामान खुले राहील. हवामान असेच राहिल्यास सामना रद्द होणार नाही.
लंडनमधील हवामानाबद्दल बोलायचे झाले तर, सामन्याच्या चौथ्या दिवशीच पाऊस पडण्याची शक्यता आहे. सामन्याच्या चौथ्या दिवशी सुमारे 60 टक्के पाऊस अपेक्षित आहे. हवामान अहवालानुसार चौथा दिवस वगळता उर्वरित दिवसात पावसाची चिन्हे नाहीत. पहिल्या आणि दुसऱ्या दिवशी पावसाची केवळ 1 टक्के शक्यता आहे, तर तिसऱ्या दिवशी पावसाची 4 टक्के शक्यता आहे. त्याच वेळी पाचव्या दिवशी 1 टक्के पाऊस अपेक्षित आहे.
2021 मध्ये खेळ झाला होता खराब
2021 मध्ये न्यूझीलंड आणि भारत यांच्यातील वर्ल्ड टेस्ट चॅम्पियनशिपच्या अंतिम सामन्यात मुसळधार पाऊस पडला. सामन्याच्या पहिल्या दोन दिवसांत एकही चेंडू टाकता आला नाही. यानंतर राखीव दिवसासह एकूण 4 दिवस खेळ झाला. या सामन्यात न्यूझीलंड संघाने विजय मिळवला आणि भारताचा 8 गडी राखून पराभव करून संघ चॅम्पियन बनला.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.