VIDEO : शुबमन गिल भारी खेळत होता; पण...| India vs New Zealand, 1st Test Day 1 | Sakal
sakal

बोलून बातमी शोधा

India vs New Zealand, 1st Test Day 1
VIDEO : शुबमन गिल भारी खेळत होता; पण...

VIDEO : शुबमन गिल भारी खेळत होता; पण...

sakal_logo
By
सुशांत जाधव

India vs New Zealand, 1st Test : कानपूरच्या ग्रीन पार्क मैदानात भारत आणि न्यूझीलंड यांच्यातील पहिला कसोटी सामना खेळवण्यात येत आहे. भारतीय संघाचा कार्यवाहू कर्णधार अजिंक्य रहाणेनं नाणेफेक जिंकून पहिल्यांदा फलंदाजी करण्याचा निर्णय घेतला. भारताच्या डावातील आठव्या षटकात कायले जेमिसन याने मयंक अग्रवालची विकेट घेत कर्णधाराचा निर्णय व्यर्थ ठरवला. त्यानंतर मात्र शुबमन गिलनं पुजाराच्या साथीनं संघाचा डाव सावरला.

शुबमन गिल आणि चेतेश्वर पुजाराने दुसऱ्या विकेटसाठी 61 धावांची भागीदारी केली. उपहारानंतर मात्र पुन्हा एकदा कायले जेमिसनने टीम इंडियाला आणखी एक मोठा धक्का दिला. अर्धशतक पूर्ण करणाऱ्या शुबमन गिलला त्याने बोल्ड केलं. पहिल्या सत्रात टीम इंडियाला दणका देणाऱ्या जेमीसनने दुसऱ्या सत्रातही कमालीची सुरुवात केली. उपहारानंतर डाव सुरु झाल्यानंतर पहिल्याच षटकातील अखेरच्या चेंडूवर त्याने शुबमनला बाद केले. जेमिसनने टाकलेला सुंदर चेंडू शुबमनची बॅटची कड घेऊन यष्टीवर आदळला. आणि जबरदस्त खेळत असलेल्या शुबमनचा खेळ खल्लास झाला.

हेही वाचा: IPL 2022 : MI रोहितसह या चौघांना करु शकते Retain

तत्पूर्व शुबमन गिलने 93 चेंडूत 5 चौकार आणि एका षटकाराच्या मदतीने 52 धावा केल्या होत्या. पहिल्या डावातील अर्धशतकासह त्याने कसोटी कारकिर्दीतील चौथे अर्धशतक साजरे केले. कसोटी क्रिकेटमध्ये शुबमन अद्याप आपल्या पहिल्या शतकाच्या प्रतिक्षेत आहे. नववा कसोटी सामना खेळणाऱ्या शुभमनने कसोटी कारकिर्दीत 91 ही सर्वाच्च धावसंख्या साकारली आहे.

हेही वाचा: IND vs NZ 1st Test शुबमन गिलचा अर्धशतकी 'चौकार'

कमालीचा योगायोग

कायले जेमिसन आणि शुबमन गिल यांच्यात कमालीचा योगयोग सामन्यादरम्यान पाहायला मिळाला. दोघांचाही हा नववा कसोटी सामना आहे. कायले जेमिसनने न्यूझीलंडला दमदार सुरुवात करुन दिली. दुसरीकडे पहिल्या धक्क्यातून सावरत शुबमन गिलने संघाचा डाव सावरणारी खेळी केल्याचे पाहायला मिळाले.

loading image
go to top