IND vs SL: ऋषभ पंतला टी-20 मध्ये मोठा धक्का! टीम इंडियातून बाहेरचा रस्ता ?

Rishabh Pant IND Vs SL : पुढील महिन्यात श्रीलंकेविरुद्धच्या तीन सामन्यांच्या टी-20 मालिकेदरम्यान टीम इंडियामध्ये अनेक मोठे बदल पाहायला मिळतील. स्टार यष्टीरक्षक फलंदाज ऋषभ पंतला यंदाच्या टी-20 फॉरमॅटमध्ये खराब कामगिरीचा फटका सहन करावा लागणार आहे. पंतला टी-20 फॉरमॅटमध्ये टीम इंडियातून बाहेरचा रस्ता दाखवला जाईल. टीम इंडिया आता इशान किशन आणि संजू सॅमसनला जास्तीत जास्त संधी देणार आहे.

बांगलादेशविरुद्ध नुकत्याच पार पडलेल्या कसोटी मालिकेत ऋषभ पंतने शानदार फलंदाजी केली. पण आतापर्यंतच्या आंतरराष्ट्रीय कारकिर्दीत पंतला टी-20 फॉरमॅटमध्ये अपेक्षेप्रमाणे कामगिरी करता आलेली नाही. विश्वचषकातील अपयशानंतर आता बीसीसीआयने कठोर निर्णय घेण्याचे ठरवले आहे. यामुळे ऋषभ पंतला संघातून बाहेरचा रस्ता दाखवला जाणार आहे.

पंतला आतापर्यंत 66 टी-20 आंतरराष्ट्रीय सामने खेळण्याची संधी मिळाली आहे. या सामन्यांमध्ये पंतने 22 च्या सरासरीने 987 धावा केल्या आहेत. यादरम्यान पंतचा स्ट्राईक रेटही विशेष राहिला नाही. पंतने केवळ 126 च्या स्ट्राईक रेटने धावा केल्या आहेत. इतकंच नाही तर पंतला आंतरराष्ट्रीय टी-20 मध्ये केवळ तीन अर्धशतकं झळकावता आली आहेत.

खराब कामगिरीनंतरही पंतला अधिक संधी मिळाल्याने बीसीसीआयलाही टीकेला सामोरे जावे लागले आहे. मात्र आता बीसीसीआय इतर पर्यायही आजमावेल त्यामुळे संजू सॅमसन आणि इशान किशनला अधिक संधी दिली जातील. संजू सॅमसन आणि इशान किशन हे दोघेही सध्या उत्कृष्ट फॉर्ममध्ये आहेत. रणजी ट्रॉफीदरम्यान संजू आणि किशन बॅटने धावा करत आहेत. या दोन्ही खेळाडूंना श्रीलंकेविरुद्धच्या तीन सामन्यांच्या टी-20 मालिकेत संधी मिळण्याची खात्री आहे.