सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
- Games esakal
South Africa Vs India 2nd Test : अखेर भारताने केप टाऊनचा किल्ला सर केलाच! भारताने आतापर्यंत दक्षिण आफ्रिका दौऱ्यावर एकदाही केप टाऊनमध्ये कसोटी सामना जिंकला नव्हता. अखेर हा इतिहास बदलला असून भारताने दुसऱ्या कसोटीत दक्षिण आफ्रिकेचा 7 विकेट्सनी पराभव केला. भारत हा केप टाऊनमध्ये कसोटी सामना जिंकणारा आशिया खंडातील पहिला संघ ठरला आहे.
याचबरोबर 147 वर्षाच्या कसोटी इतिहासात भारत आणि दक्षिण आफ्रिका यांच्यातील दुसरी कसोटी ही सर्वात कमी चेंडूत (642) संपलेली कसोटी ठरली.
नाणेफेक जिंकून प्रथम फलंदाजी करणाऱ्या दक्षिण आफ्रिकेचा डाव भारताने 55 धावात गुंडाळला होता. मोहम्मद सिराजने 6 विकेट्स घेत आफ्रिकेच्या फलंदाजीला खिंडार पाडलं. त्यानंतर दुसऱ्या डावात भारताने 153 धावा केल्या. रबाडा, एन्गिडी अन् बर्गरने प्रत्येकी 3 विकेट्स घेतल्या.
त्यानंतर दुसऱ्या डावात दक्षिण आफ्रिकेने एडिन मार्करमच्या झुंजार 106 धावांच्या शतकी खेळीच्या जोरावर 176 धावा केल्या. त्यांनी दुसऱ्या डावात 78 धावांची आघाडी घेतली. भारताकडून जसप्रीत बुमराहने 6 विकेट्स तर मुकेश कुमारने 2 विकेट्स घेतल्या.
भारताला विजयासाठी 79 धावांची गरज होती. सलामीवीर यशस्वी जयस्वालने आक्रमक फलंदाजी करत 23 चेंडूत 28 धावा ठोकल्या. पहिल्या सहा षटकातच भारताने 44 धावांपर्यंत मजल मारली. अखेर शुभमन गिल आणि रोहित शर्माने संघाला 57 धावांपर्यंत पोहचवले. त्यानंतर गिल 10 तर विराट कोहली 12 धावा करून बाद झाला. अखेर रोहित शर्माने 17 धावा करत भारताच्या ऐतिहासिक विजयावर शिक्कामोर्तब केलं.
रोहित शर्मा हा भारताचा दक्षिण आफ्रिकेत कसोटी मालिका बरोबरीत सोडवणारा दुसरा कर्णधार ठरला. यापूर्वी महेंद्रसिंह धोनीच्या नेतृत्वाखालील संघाने देखील आफ्रिकेत कसोटी मालिका बरोबरीत सोडवण्याची कामगिरी केली होती.
याचबरोबर रोहित शर्मा हा दक्षिण आफ्रिकेत केप टाऊन कसोटी जिंकणारा आशिया खंडातील पहिला कर्णधार ठरला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
