यजमान भारतीय पुरुष हॉकी संघाने आशियाई हॉकी करंडकाच्या अ गटातील साखळी फेरीच्या अखेरच्या लढतीत कझाकस्तानचा १५-०ने असा धुव्वा उडवला आणि सलग तीन विजय व नऊ गुणांसह पहिले स्थान कायम राखले. अ गटामधून भारतीय हॉकी संघासह चीनच्या संघाने 'सुपर फोर' फेरीमध्ये प्रवेश केला.
भारतीय हॉकी संघाने साखळी फेरीमधील तीनही लढतींमध्ये विजय संपादन करताना अ गटामध्ये निर्विवाद वर्चस्व राखले. जपानवर मिळवलेल्या विजयानंतर भारतीय हॉकी संघाचा 'सुपर फोर' फेरीमध्ये प्रवेश झाला होता.
