India vs Argentina FIFA Match : एकेकाळी भारत खेळत होता फिफा, काय झालं जेव्हा अर्जेंटीना विरुद्ध खेळली होती मॅच

India vs Argentina FIFA Match : फिफाची क्रेझ फायनल संपली तरी सुरूच आहे, कतारमध्ये झालेल्या फिफा वर्ल्डकप 2022 मध्ये लिओनल मेसीची अर्जेंटीना टीम जिंकली. फुटबॉल विश्वात अर्जेंटीना परत एकदा बादशहा ठरली आहे, यावेळेस त्यांच्यासोबत फ्रांसची टीम होती.

दोघंही टीमने एकमेकांना खूप जोरदार टक्कर दिली होती. मेसीचे फॅन जगभर आहेत, भारतातही त्यांची कमतरता नाही, भारताची टीम फिफा साठी क्वालिफाय होऊ शकली नाही, पण जवजवळ 39 वर्षांपूर्वी भारताने अर्जेंटीना सोबत मॅच खेळली होती.

आत्तापर्यन्त फक्त एकदा भारत आणि अर्जेंटीना मध्ये फुटबॉल मॅच झाली आहे. नेहरू कप टुर्नामेंटमध्ये 13 जानेवारी 1984 रोजी ही मॅच झालेली. अर्जेंटीनाने आपला पहिला वर्ल्ड कप 1978 मध्ये जिंकला होता. यानंतर 1986 मध्ये त्यांनी आपला दुसरा वर्ल्ड कप जिंकला होता. तेव्हा सुद्धा अर्जेंटीना खूप स्ट्रॉंग टीम मानली जायची.

अर्जेंटीनाला मॅचमध्ये भारताने वाढीव टक्कर दिली होती

ही मॅच कलकत्ताच्या इडन गार्डन मध्ये खेळली गेलेली. तेव्हा ही मॅच बघायला जवळजवळ 50 हजार लोकं आले होते. तेव्हा इंडियन टीममध्ये विश्वजित भट्टाचार्य, रवि आणि बाबू मणी हे दिग्गज प्लेयर होते. तर अर्जेंटीना टीममध्ये रिकार्डो गारेगा, जॉर्ज बुर्रुचागा आणि रिकार्डो गिऊस्ती हे दिग्गज प्लेयर होते.

या मॅचमध्ये भारताने अर्जेंटीनाला वाढीव टक्कर दिली होती. फर्स्ट हाल्फ मध्ये भारताने अर्जेंटीनाला एकही गोल घेऊ दिला नाही आणि स्कोर 0-0 असा होता पण सेकंड हाल्फमध्ये अर्जेंटीनाने आपली पूर्ण ताकद लावली आणि रिकार्डो गारेगाने 79 व्या मिनिटाला पहिला गोल केलेला.