IND vs AUS 2nd Test : बीसीसीआय जाम खुश! तब्बल 5 वर्षांनी दिल्लीत असं होणार...

IND vs AUS 2nd Test Tickets : भारत आणि ऑस्ट्रेलिया यांच्यातील बॉर्डर-गावसकर ट्रॉफीची दुसरी कसोटी शुक्रवारपासून नवी दिल्लीत सुरू होणार आहे, ती खचाखच भरलेल्या स्टेडियममध्ये खेळली जाणार आहे. डिसेंबर 2017 नंतर दिल्लीत पहिली कसोटी खेळली जात आहे.

चार सामन्यांच्या मालिकेत भारताने नागपुरातील पहिली कसोटी तीन दिवसांत जिंकून 1-0 अशी आघाडी घेतली. 'तिकिटे विकली गेली आहेत आणि आम्हाला पूर्ण घर मिळण्याची अपेक्षा आहे. दिल्लीत बर्‍याच काळानंतर कसोटी सामना खेळला जात असल्याने खूप उत्सुकता आहे.' असे डीडीसीएचे सहसचिव राजन मनचंदा यांनी मंगळवारी पीटीआयला सांगितले.

अरुण जेटली स्टेडियमची आसनक्षमता 40,000 आहे. एकूण 24,000 तिकिटे विक्रीसाठी ठेवण्यात आली होती तर 8000 डीडीसीए सदस्यांमध्ये वितरीत करण्यात आली होती. ही गोष्ट सर्वसामान्य आहे. उर्वरित तिकिटे ही सामना पाहण्यासाठी उपस्थित राहणाऱ्या मान्यवरांसाठी वापरल्या जातील.

सामन्यासाठी सुरक्षा पुरविणाऱ्या कुटुंबांसाठी स्टँडचा एक भाग देखील राखीव आहे. मालिकेतील पहिल्या नागपूर कसोटीत देखील चांगली गर्दी जमली होती. भारताने ज्याप्रकारे खेळ केला त्यामुळे दिल्ली कसोटीत देखील गर्दी होईल. कसोटी क्रिकेटसाठी ही चांगली गोष्ट आहे.

(Sports Latest News)