IND vs NZ Hardik Pandya ODI Captaincy : भारत आणि न्यूझीलंड यांच्यातील तीन वनडे सामन्यांची मालिका उद्या (दि 18) पासून हैदराबाद येथून सुरू होत आहे. रोहितच्या नेतृत्वाखाली खेळणाऱ्या भारताने नुकत्याच झालेल्या श्रीलंकेविरूद्धच्या तीन सामन्यांच्या मालिकेते लंकेला 3 - 0 असा व्हाईट वॉश दिला.
जरी रोहित शर्माच्या नेतृत्वातील संघाने लंकेला व्हाईट वॉश दिला तरी वनडेचा कर्णधार रोहित शर्मा असावा की हार्दिक पांड्या हा वाद काही शमलेला नाही. टी 20 संघाचा कर्णधार हार्दिक पांड्याकडे वनडेची कॅप्टन्सी देखील सोपवण्यात यावी ही चर्चा सध्या जोर धरत आहे. मात्र रोहित शर्माला डावलून हार्दिकच्या गळ्यात वनडे कॅप्टन्सीची माळ घालणे तितके सोपे नाही.
मिळालेल्या माहितीनुसार या वर्षाच्या शेवटी भारतात वनडे वर्ल्डकप होणार आहे. त्यानंतरच रोहितच्या जागी हार्दिक पांड्या वनडेचा कर्णधार होऊ शकतो. मात्र अजून एक मेख आहेच. हार्दिक पांड्याला जर भारताचा वनडे कर्णधार व्हायचं असेल तर त्याला स्वतःला फिट ठेवावे लागेल. यासाठी वर्कलोड मॅनेजमेंटचा वापर होणार आहे.
भारताचा टी 20 कर्णधार हार्दिक पांड्या पाठदुखीच्या मोठ्या दुखण्यातून सावरला असला तरी त्याला ही दुखापत पुन्हा उद्भवू नये म्हणून वेळोवेळी विश्रांतीची देखील गरज आहे. त्यामुळे तो एकसलग मालिका खेळू शकणार नाही. वनडे मालिकेनंतर लगचेच टी 20 मालिका खेळणे पांड्यासाठी सोपे नाही. हार्दिक पांड्या न्यूझीलंडविरूद्धच्या वनडे आणि टी 20 मालिका खेळणार आहे.
हार्दिक पांड्याने 2022 मध्ये न्यूझीलंडमध्ये झालेल्या तीन वनडे मालिकेत 100 धावा केल्या होत्या. तर 6 विकेट्स घेतल्या होत्या. 2023 मध्ये हार्दिक पांड्याने आतापर्यंत 2 वनडे सामन्यात 50 धावा आणि एक विकेट घेतली आहे. तर तीन टी 20 सामन्यात 45 धावा आणि 2 विकेट्स घेतल्या आहेत.
हेही वाचा : भारतीयांनी जगाला डिजिटल पेमेंट शिकवायची आलीये वेळ...
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.