IND vs PAK : धक्कादायक! भारत - पाक सामन्यादरम्यान महिला पोलीस कर्मचाऱ्याला मारहाण; VIDEO होतोय व्हायरल

IND vs PAK VIDEO : वर्ल्डकप 2023 मधील भारत आणि पाकिस्तान यांच्यातील सामना ऐतिहासिक अशा नरेंद्र मोदी स्टेडियमवर रंगला. अपेक्षेप्रमाणे भारताने पाकिस्तानचा पुन्हा एकदा पराभव करत आपली विजयी घोडदौड कायम ठेवली. जगातील सर्वात मोठ्या स्टेडियमवर भारतीय संघाने सांघिक खेळाचा उत्तम नमुना पेश करत जागतिक क्रिकेटमधील आपला दर्जा पुन्हा एकदा दाखवून दिला.

मात्र नरेंद्र मोदी स्टेडियमवर काही असे प्रकार देखील घडले ज्यामुळे भारताची प्रतिमा जागतिक पातळीवर मलीन झाली. मग त्यात पाकिस्तानचा कर्णधार बाबर आझमची मैदानावर एन्ट्री होत असताना चाहत्यांनी काढलेले विचत्र आवाज असो वा मोहम्मद रिझवान बाद होऊन पॅव्हेलियनमध्ये परतत असताना दिलेल्या जय श्री रामच्या घोषणांचा समावेश होता. मात्र यापेक्षाही भयानक गोष्ट नरेंद्र मोदी स्टेडियमवर घडली.

आयसीसीच्या 12 व्या सामन्यादरम्यान स्टेडियममधील एका चाहत्याची आणि त्याच चाहत्याच्या सुरक्षेसाठी तैनात असलेल्या महिला पोलीस कर्मचाऱ्याची बाचाबाची झाली. ही बाचाबाची थेट मारामारीपर्यंत गेली.

व्हिडिओत दिसत असल्याप्रमाणे रागाच्या भरात प्रेक्षकाने महिला पोलीस कर्मचाऱ्याशी आक्षेपार्ह वर्तन केले. यानंतर चिडलेल्या महिला पोलीस कर्मचाऱ्याने या प्रेक्षकाच्या कानशिलात लगावली. त्यानंतर चिडलेल्या प्रेक्षकाने पोलीस कर्मचाऱ्यावर हात उचलला. मात्र शेजारील व्यक्तीने त्याला थांबवत शांत करण्याचा प्रयत्न केला.

(Sports Latest News)