Ind vs Pak WC 2023: भारत-पाक सामन्याआधी अहमदाबादमधील हॉटेलनंतर आता विमान प्रवास भाडेवाढीची ‘उड्डाणे’

India vs Pakistan World Cup
India vs Pakistan World Cup

Ind vs Pak WC 2023 : भारतातील एकदिवसीय विश्वकरंडक क्रिकेट स्पर्धेसाठी पाकिस्तानकडून अजून आढेवेढे घेण्यात येत असले, तरी देशातील आणि जगभरातील प्रेक्षक मात्र अहमदाबादमध्ये होणाऱ्या भारत-पाक साखळी सामन्याच्या तयारीसाठी केव्हापासूनच लागले आहेत. एकीकडे हॉटेलचे भाडे अव्वाच्या सव्वा वाढत असताना आता विमान प्रवासाच्या भाड्यानेही मोठी ‘उड्डाणे’ सुरू केली आहेत.

India vs Pakistan World Cup
IND vs WI 2nd Test Playing XI: दुसऱ्या कसोटीत टीम इंडियाची प्लेइंग-11 बदलणार, कोणाला मिळणार डच्चू?

या एकदिवसीय विश्वकरंडक स्पर्धेत भारत-पाक साखळी सामना १५ ऑक्टोबर रोजी नियोजित आहे. ज्या दिवशी आंतरराषट्रीय क्रिकेट परिषद (आयसीसी) आणि भारतीय क्रिकेट मंडळ (बीसीसीआय) यांनी स्पर्धेचे वेळापत्रक जाहीर केले, त्या क्षणापासून अहमदाबमधील हॉटेल रूमसाठी प्रचंड प्रमाणात मागणी वाढली. त्यामुळे हॉटेल मालकांनी किती तरी पटीने अधिक रक्कम लावली, तरीही हातोहात हॉटेल रूम फुल्ल झाले.(After hotel tariffs airfare soars for India vs Pak match)

आता या क्रिकेट प्रेक्षकांनी विमान तिकिटे आरक्षित करण्यासाठी आपला मोर्चा वळवला. सामन्याचा आदला दिवस म्हणजेच १४ ऑक्टोबर रोजी दिल्ली ते अहमदाबाद किंवा मुंबई ते अहमदाबाद या एका मार्गासाठी आता १५ ते २२ हजार रुपये इतकी तिकीट रक्कम झाली आहे. साधारतः तीन महिने अगोदर आरक्षण करत असताना विमान प्रवासाचे भाडे कमीत कमी असते. तरीही भाववाढीची ही उड्डाणे आतापासूनच सुरू झाली आहेत.

India vs Pakistan World Cup
Asian Games : आशिया स्पर्धेत भारतीय फुटबॉल संघ पाठवण्यासाठी हस्तक्षेप करा; स्टिमॅक यांचे पंतप्रधानांकडे आर्जव

अहमदाबादमधील याच नरेंद्र मोदी स्टेडियमवर विश्वकरंडक स्पर्धेचा उद्‍घाटन आणि अंतिम सामनाही होणार आहे, परंतु सर्वाधिक मागणी भारत-पाक सामन्यासाठी आहे. आयसीसीसी आणि बीसीसीआय यांनी वेळापत्रक जाहीर करून स्पर्धेची तयारी सुरू केलेली असली, तरी पाक मंडळ आणि त्यांचे सरकार नाकदुऱ्या काढत आहे.

पाकचे सामने नियोजित असलेल्या शहरांमध्ये त्यांचे सुरक्षा पथक पाहणी करण्यासाठी येणार आहे. त्यांच्या अहवालावर त्यांचे सरकार अंतिम निर्णय घेणार आहे. पाकचे साखळी सामने भारतातच नव्हे तर इतर देशांत खेळवावेत, अशीही मागणी त्यांच्याकडून अधूनमधून करण्यात येत आहे, परंतु कितीही खोड काढण्याचा प्रयत्न केला, तरी पाकला भारतात येऊन या विश्वकरंडक स्पर्धेत खेळावे लागणारच आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com