India Women's Hockey Team
Sakal
Hockey World Cup 2026, India Women vs England Women: हॉकी वर्ल्ड कप २०२६ स्पर्धेत गुरुवारी भारत आणि इंग्लंड महिला संघांमध्ये निर्णायक सामना झाला. पहिल्या फेरीतील डी गटातील हा दोन्ही संघांचा अखेरचा साखळी सामना होता.
या सामन्यात शेवटपर्यंत अत्यंत रोमांचक लढत पाहायला मिळाली. पण अखेर भारतीय संघाने इंग्लंडला ०-० असे गोलशून्य बरोबरीत रोखले. त्यामुळे भारतीय महिला संघाने पुढच्या फेरीत प्रवेश केला, तर इंग्लंडचे आव्हान संपले आहे. भारताची गोलकिपर बिछू देवीने अफलातून बचाव केला.
पुढच्या फेरीत जाण्यासाठी भारतीय संघाला बरोबरी किंवा विजयाची गरज होती, तर इंग्लंडला विजयच आवश्यक होता. पण भारताने बरोबरी केल्याने पुढच्या फेरीत प्रवेश मिळवला. डी गटातून चीन आणि भारत या दोन संघांनी पुढच्या फेरीत प्रवेश केला असून इंग्लंड आणि दक्षिण आफ्रिका संघांचे आव्हान संपले आहे.
